سوڭعى جىلدارى الەم روبوتتاردىڭ نەشە ءتۇرىن جاساپ، شىعارىپ جاتىر. ال امەريكالىق ينجەنەرلەر باسى مەن كەۋدەسى جوق، تەك قانا اياعى بار روبوتتاردى نارىققا ۇسىندى. ول – Cassie دەپ اتالادى. اتالمىش روبوتتاردى ورەگون شتاتىنداعى (اقش-تا) ۋنيۆەرسيتەتتىڭ ينجەنەرلەرى ۇسىنعان.
Cassie-ءدىڭ ەكى اياعى بار، بىراق كەۋدەسى، باسى مەن قولى جوق. ينجەنەرلەردىڭ ايتۋىنشا، وسىنداي بولعانى ءتيىمدى. سەبەبى، كەز كەلگەن جاعدايلاردا، اۋا-رايىنا قاراماستان دا قىزمەت ەتە الادى. تابيعي اپاتتارعا ۇشىراعان، الىس اۋداندارعا دا ءدارى-دارمەكتەر جەتكىزۋگە مۇمكىندىگى بار. ماماندار Cassie-دەن روبوت-قۇتقارۋشى بولا الاتىن پوتەنتسيال بايقاعان.
روبوتتىڭ ءجۇرىسى تۇيەقۇس جانۋارىنىڭ جۇرىسىنە ۇقسايدى. ول تەگىن ەمەس ەكەن. Agility Robotics كومانداسىنىڭ ينجەنەرلەرىنىڭ ايتۋىنشا، ولار اپپاراتتارىنىڭ جاقسى بولىپ شىعۋى ءۇشىن، ارنايى جانۋارلاردىڭ ءجۇرىس-تۇرىسىن زەرتتەگەن. ماسەلەن تۇيەقۇستىڭ جىلدامدىعى 70 كم/ساعات. Cassie, ارينە، وعان ازىرگە جەتە قويمايدى. دەگەنمەن، ماماندار «الداعى ۋاقىتتا تاعى دا كۇشىمىزدى سالىپ، جەتىلدىرەمىز. سول كەزدە ول (Cassie) ادامدارمەن جارىسا الاتىنداي بولادى» دەيدى.
تاعى ءبىر ەرەكشەلىگى: ەگەر Cassie قۇلاپ قالسا، وعان ەشقانداي «ءولىم» قاۋپى تونبەيدى. سونىمەن قاتار، وزگە روبوتتارعا قاراعاندا شىدامدىلىعى جوعارى، ەنەرگيا ۇنەمدەيدى جانە باعاسى ارزان. بۇل – Agility Robotics توبىنىڭ جاساعان ەكىنشى تۇيەقۇس ءجۇرىستى روبوتتارى.
«The Qazaq Times»
سوزبۇيداعا سالىنعان جەتى تومدىق: قازاقتىڭ اكادەميالىق تاريحى قاشان جارىق كورەدى؟
قازاقستانداعى جاساندى ينتەللەكتتىڭ اقپاراتتىق جۇمىسى جانە باق ەركىندىگى: بيلىك جي-ءدى شەكتەۋ ساياساتىن قولعا الا ما؟
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى