EO bir standarttı quattağış erejesin kirgizbek. foto: BBC

Europalıq Odaq telefondar, planşetter, noutbukter jäne basqa da elektrondı qwrılğılardıñ barlıq öndiruşilerin bir zaryadtau portı standartına - USB Type-C standartına köşudi mindettegeli otır. Atalmış ereje, 2024 jıldıñ küzinen bastap jüzege asırıluı mümkin. Ereje engizilgennen keyin basqa zaryadtağıştarı bar qwrılğılar EO aumağında satılmaytın boladı.

EO belgilegen bwl ereje eñ aldımen öz qwrılğıları üşin Lightning quattağış portın qoldanatın amerikalıq Apple kompaniyasına äser etpek.  Kompaniya bwl bastamağa qattı qarsılıq tanıtıp keledi. Ädette onıñ iPhone zaryadtağıştarı köptegen Type-C zaryadtağıştarınan qımbatıraq. Apple kompaniyası seysenbi küni europalıq qwrılımdar arasındağı kelisimge qatıstı tüsinikteme bere almaytındarın mälimdedi. Bwğan deyin Apple bir portqa köşu «innovaciyanı twnşıqtıratının» aytqan.

Europarlament pen Europa keñesiniñ ökilderi bwrın radiotehnikağa qatıstı direktivanı kelisken bolatın. İs jüzinde bwl EO noutbukterge, telefondarğa, planşetterge jäne basqa qwrılğılarğa arnalğan zaryadtau porttarınıñ birıñğay standartın engizuge bir qadam jaqındağanın bildiredi.

Elektrondı qwrlığılardı ortaq bir quattağış standartına keltirudiñ özindik qiındıqtarı da bar. Aytalıq, arnayı sağattar nemese FitBit bilezikteri siyaqtı eñ kişkentay qwrılğılar da boladı. Sonday-aq Europada olar qwrılğılardıñ kez kelgen kabel' arqılı jıldam zaryadtaluı üşin zaryadtau jıldamdığın standarttaudı qalaydı.

Ereje mınalarğa qoldanıladı:
Wyalı telefondar
Planşetter
Qwlaqqaptar
Portativti oyın qwrılğıları
portativti dinamikter

Bwl erejeniñ  noutbuk  öndiruşi kompaniyalarğa da äser eteri anıq, biraq olardıñ öndiruşilerine jaña erejeler küşine engennen keyin öndiristi beyimdeu üşin 40 ay uaqıt berilmek. Sonımen qatar, qwjat satıp aluşılarğa qwrılğını zaryadtağışpen nemese zaryadsız satıp aludı tañdau qwqığın berui kerek degen erejede qarastırılğan.

«Bwl zañ EO-nıñ önimderdi twraqtı etuge, elektrondı qaldıqtardı azaytuğa jäne twtınuşılardıñ ömirin jeñildetuge bağıttalğan jalpı küş-jigeriniñ bir böligi», - delingen Europarlament mälimdemesinde.

Parlamentariylerdiñ aytuınşa, bwl twtınuşılarğa zaryadtağıştardı satıp aludan jılına 250 million euroğa deyin ünemdeuge kömektesedi, al qaldıq kölemi jılına 11 mıñ tonnağa azayadı.

Beysenğazı Kümisjan

The Qazaq Times