Dubay jaña tehnologiya qoldanuğa köñil bwruda. Foto: Aşıq derekközderden.

Arab elderi arasında Birikken Arab Ämirligi jaña tehnologiyalardıñ damıtuğa jäne onı qoldanuğa köbirek köñil bwrıp keledi. Qazir jaña tehnologiya kömegimen elinde jauın-şaşındı köbeytudi maqsat etip otır. Bwğan deyin elde bwlttarğa tüz şaşu arqılı jasandı jañbır jaudırıp kelgen, alayda bwl eldegi qwrğaqşılıqtı odan sayın auırlatqan. Endigi jerde Dubay elektr quatınıñ kömegimen twşı jañbır jaudıru jobasın qolğa aldı.

Eldegi klimattıñ qwrğaqşılığına qarsı 2017 jılı BAÄ 7 iri jobağa qarjı bölgen. Qwnı 15 mln dollar twratın joba el keñistigindegi jeterlik mölşerdegi bwlttardı jauın-şaşın etudi közdeydi.

Qazir Dubay wşqışsız wşu qwrılğılarınıñ (WWQ) kömegimen jañbır jaudıruğa nazar audaruda. Bwlttardıñ ılğal bölikterin elektr quatınıñ kömegimen biriktirip, soñında onı jañbırğa aynaldıruğa boladı. WWQ-lar bwl arada bwlttardağı eklektr quatınıñ teñ salmağın özgerte aladı.

Qazir joba sınaq merziminde. Sınaqtar sätti ayaqtalsa ämirlik jobağa qırauar qarjı böluge dayın. Osılayşa arabtıñ qwm basqan dalası bir mezgilderde jasıl jelek jamılıp jatsa tañ qaluğa bolmaytınday.

Jasandı jauın jauğızu tehnologiyasın älemde iri elder de qoldanadı. Äsirese, Qıtay ükimeti onı auıl şaruaşılığına köbirek paydalanadı. Bıltır jıl soñında Qıtay eldiñ 70 payızdan astam aumağına jasandı jauın jaudıru jobasın qabıldadı. Bwğan Ündistan sekildi körşiles elder narazılığın da bildirgen. Sebebi, bir eldegi jauın-şaşın kelesi eldiñ klimatına keri äser etui de mümkin. Jäne bwl äreketterdiñ önimdiligi ğılımi twrğıda äli tolıq däleldenbegen.

“The Qazaq Times”