Qazaqstan üşin 28-bükilälemdik Universiada oyındarı qalay ayaqtaldı?

«Qanatıñdı keñ serpi!» Bwl tirkes – 28-bükilälemdik qısqı Universiada-2017 sayısınıñ wranı boldı. Biılğı elimizde ötken on kündik studenttik oyındar Qazaqstan üşin jeñisti de jemisti boldı. Ärbir qatısuşı üşin qazaqstandıqtar taqımın qısıp, qoldap otırdı. 3000 erikti jwmıldırılğan bwl oyındarğa odan bölek  270.000 jalpı körermen, 50.000 estafetanı qoldauşılar, 20.000 aşılu men jabılu saltanatınıñ qonaqtarı keldi. «Tabağan» (fristayl), «Alatau» (şañğı, biatlon), «Swñqar» (tramplin), «Şımbwlaq», Baluan Şolaq atındağı Sport sarayı, «Medeu» mwz aydını (kon'kimen sırğanau), Atletika alañı, Halıq-Arena jäne Almatı-Arenada ötken 12 sport türinen 56 eldiñ  1600-den astam sportşı dodağa tüsken jäne sarapqa salınğan medal'dardıñ sanı –85. Qazaqstan atınan 171 sportşı qatıssa, jalpı esepte birinşi orınğa twraqtağan Reseydiñ 215 oyınşısı sınğa tüsken. Sonday-aq, Almatı qalasında osı qısqı Universiada qarsañında 180 sporttıq is-şara ötti.

Universiada–2017 Qazaqstan üşin eñ joğarı nätijemen ayaqtaldı deuge tolıq negiz bar.  El qorjınında: 36 medal' – 11 altın, 8 kümis, 17 qola. Qazaqstan komandalıq esepte Reseyden keyingi ekinşi orınğa taban tiredi.

Nazarlarıñızğa  jüldegerlerdiñ tizimin wsınamız:

«Altın» medal' iegerleri

Biatlon:

Alina Raykova (jeke jarıs,15 kilometr);

Galina Vişnevskaya (sprint, 7,5 kilometr);

Galina vişnevska (mass-start, 12,5 kilometr).

Şañğımen jarıs:

Ivan Lyuft (sprint);

Anna Şevçenko men Oljas Klimin (sprint, komandalıq sayıs).

Mänerlep sırğanau:

Denis Ten (erler arasındağı erkin bağdarlama).

Fristayl:

YUliya Galışeva  (mogul);

Dmitriy Reyhard (mogul);

YUliya galışeva (paraleldi mogul);

Dmitriy Reyhard  (paraleldi mogul);

Janbota Aldabergenova men Bağlan İñkärbek (akrobatika, komandalıq sayıs).

«Kümis» jüldegerler

Biatlon:

Galina Vişnevska (jeke jarıs, 15 kilometr);

Roman Eremin (mass-start, 15 kilometr;

Galina Vişnevska, Darbya Usanova, Vasiliy Podkorıtov pen Anton Pantov (aralas estafeta).

Şañğı oyındarı:

Anna Şevçenko, Ol'ga Mandrika men Irina Bıkova (estafeta)

Sergey Malışev, Vitaliy Puhkalo, Rinat Muhin men Oljas Klimin     (komandalıq estafeta).

Fristayl:

Jibek Arapbaeva (akrobatika).

Şort-trek:

Abzal Ajığaliev (500 metr).

Hokkey:

Qazaqstannıñ erler qwraması.

«Qola» jülde iegerleri:

Biatlon:

Roman Eremin (sprint, 10 kilometr);

Anton Pantov (mass-start, 15 kilometr).

Kon'kimen jarıs:

Ekatrina Aydarova (1500 metr);

Ekatrina Aydarova (1000 metr)

Şañğımen jarıs:

Anna Şevçenko (jeke jarıs, 5 kilometr);

Anna Şevçenko (5 kilometr);

Anna Stoyan (sprint);

Anna Şevçenko (mass-start, 15 kilometr);

Sergey Malışev (mass-start, 3 kilometr).

Fristayl:

Janbota Aldabergenova (akrobatika);

Pavel Kolmakov (mogul);

Pavel Kolmakov (paralleldi mogul).

Şort-trek:

Nwrbergen Jwmağazive (1500 metr);

Denis Nikişa  (500 metr);

Denis Nikişa (1000 metr);

Qazaqstannıñ äyelder qwraması (estafeta);

Qazaqstannıñ erler qwraması (estafeta).

Osınday nätijemen sportşılarımız eldiñ abıroyın asqaqtatıp, ruhın bir köterdi.

Keşe, 8 aqpan küni 10 künge sozılğan 28-bükilälemdik Universiada-2017 studenttik sayıstıñ jabılu saltanatı ötti. Oğan QR prem'er-ministri Baqıtjan Sağıntaev, Halıqaralıq studenttik sport federaciyasınıñ prezidenti Oleg Matıcin, Almatı qalasınıñ äkimi Bauırjan Baybek jäne FISU jalauın saltanattı türde qabıldap alu üşin Krasnoyarsk qalasınıñ meri Edham Akbulatov qatıstı. YAğni, Universiada-2019 endigi kezekte Krasnoyarsk qalasında ötedi.

QR prem'er-ministri Baqıtjan Sağıntaev jabılu saltanatında bılay dedi:

«Qadirli sport süyer qauım! Qwrmetti Matıcin mırza!

Mıñjıldıq tarihı bar Almatı eki apta boyı älemniñ sport süyer qauımınıñ köz tartar ortalığına aynaldı. Osı uaqıt işinde älem Qazaqstandı, Qazaqstan älemdi jañaşa qırınan tanıdı. Halıqaralıq qauımdastıq halqımızdıñ tamırı tereñ mädenieti men qanına bitken qonaqjaylığın, üzdiksiz damu men älemdik bäsekelegi qayratın sezdi. Almatı Universiadası – älem sportınıñ tarihına özindik izin qaldırdı. Dübirli dodanıñ salanattı aşılu räsiminde Elbası Nwrswltan Nazarbaev: «Sport – beybitşilik pen tatulıqtıñ, ıntımaqtastıq pen tilektestiktiñ simvolı. Jer jahan köz tikken bwl Universiada – nağız jastıq jigerdiñ alamanı, jarqın jeñisterdiñ bastauı, bolaşaq Olimpiada çempiondarınıñ mektebi», – degen bolatın. Rasımen de, halıq pen halıqtı, tilegi bir, maqsatı bir jastardı biriktirgen Universiada eñ äueli – şuaqtı bas qosu».

Iä, 2017 jılğı düniejüzilik Universiadanıñ twmarı retinde swñqar alınğan edi. Sebebi, ol jeñildik pen jıldamdıqtı, küş-quat pen jeñiske degen qwlşınıstı beyneleydi. Bwl twmar – Qazaqstannıñ twmarı bolğanday. Rasımen, «Olimpiada oyındarınıñ mektebinen» ötken, osı dodada jüldeger atanğanı da, qatısqanı da, jalpı  ärbir sportşı bolaşaqta eldiñ namısın narday köteretinine, düniejüzilik Olimpiada oyındarında jwldızdarı jarqıraytınına senimimiz mol. Alğa, Qazaqstan! Rahmet, Universiada! Endi biz Olimpiadanı ötkizuge dayınbız!

«The Qazaq Times»