Foto: vesti.kz

24-26 aqpan aralığında Germaniya qalası Dyussel'dorfta dzyudodan ötken älemdik Gran Pri kezeñi öz märesine jetti. Jarısqa Qazaqstan atınan attanğan 16 sportşınıñ tek bireui ğana jüldeli orınnan körindi. 100 keliden joğarı salmaqta sınğa tüsken dzyudoşı Erjan Şınkeev Gran Pri turnirınıñ qola jüldesin ielendi. Dzyudoşınıñ jürip ötken jolın  sportportal.kz tilşisi Beket Ayswltan bayandaydı.

Alğaşqı beldesuinde Şınkeev braziliyalıq qarsılası Iskuarde Ruan 3 şido alğandıqtan jeñis qazaqstandıq dzyudoşığa berildi. Ekinşi aynalımda Gruziya eliniñ baluanı Adam Okuraşvilidi vazari wpayımen qapı qaldırdı. Üşinşi aynalımğa sürinbey ötken qazaqstandıq baluan japon dzyudoşısı Harasaua Hisoyaşige qarsılas atandı. Alayda beldesu barısında sılbırlıq tanıtqan Erjan Şınkeev üş şido alğandıqtan jeñis japon baluanına bwyırdı. Qola jülde üşin küresuge mümkindik beriletin jwbanış beldesuinde Erjannıñ qarsılası Hammo YAkiv bozkilemge şıqpay, qazaqstandıq baluan jüldeli orınğa talasuğa mümkindik aldı.

Foto: fdk.kz

Qola jülde üşin ötken beldesude sensaciya orın aldı. Qazaqstandıq baluan 100 keliden joğarı salmaqta Rio Olimpiadasınıñ çempionı çehiyalıq Lukaş Krpalekti vazari ädisimen tize büktirip, Gran Pri turniriniñ qola jüldesine ielik etti.

Qazaqstan namısın qorğağan qalğan 15 baluan jarıs jolın erte ayaqtap, jüldegerler qatarınan körine almadı.

“The Qazaq Times”