Foto: mod.gov.kz

Qazaqstan Respublikasınıñ Qorğanıs ministri general-polkovnik Säken Jaswzaqov 2017 jılı mañızdı respublikalıq jäne halıqıralıq sayıstarda ayrıqşa közge tüsken Armiya ortalıq sport klubınıñ armiyalıq sportşılarımen kezdesu ötkizdi dep habarlaydı Qorğanıs ministrliginiñ baspasöz bölimi.

Qorğanıs vedomstvosınıñ basşısı AOSK ştattıq komandalarınıñ birqatar sportşılarına, respublikalıq jäne halıqaralıq jarıstardıñ jeñimpazdarı men jüldegerlerine kezekti äskeri ataq berip, qwrmet gramotaların tabıs etti.

«Jıldan jılğa bayraqtı bäsekede medal' qorjının toltırıp, Qazaqstannıñ tuın kökke jelbiretip, elimiz ben Qarulı Küşterdiñ namısın qorğap jürsizder. Büginde Qorğanıs ministrligi äskeri qızmetşilerdiñ dene dayarlığına ayrıqşa köñil bölude. Bwl öz jemisin berude jäne sporttıq nätijelerge jetuimizdiñ birden-bir sebebi. Qarulı Küşterdegi sport alğa qaray ilgerilep qadam basıp keledi. Men bolaşaqta biz osı qalpımızdan taymaymız dep ümittenemin», - dep, ministr öziniñ ıstıq lebizin bildirdi.

Qorğanıs ministrimen saltanattı kezdesuge qatısqan sportşılardıñ qatarında Qazaqstannıñ mıqtı qwzğa örmeleuşileri kişi serjant Artem men Nikita Devyaterikovtar, VII qısqı Aziada oyındarınıñ biatlonnan çempionı kişi serjant YAn Savickiy, HHVIII qısqı bükilälemdik universiada çempionı, biatlonşı serjant Alina Raykova, sporttıq bağdarlauda İİİ qısqı Bükälemdik äskeri oyındardıñ jeñimpazı serjant El'mira Moldaşeva boldı.

Bügingi tañda Qazaqstan Qorğanıs ministrliginiñ Armiya ortalıq sport klubında sporttıñ äskeri-qoldanbalı türi boyınşa üş komanda jäne olimpiada türleri boyınşa 15 komanda bar.

Äskeri sportşılar respublikalıq turnirlerde sätti öner körsetip, joğarı nätijeler men keremet dene dayarlıqtarın paş ete otırıp, älemdik arenada Qazaqstan men elimizdiñ Qarulı Küşterin layıqtı deñgeyde tanıtıp jür. Ağımdağı jıldıñ basınan AOSK-nıñ 100-den asa sportşısı respublikalıq jäne halıqaralıq deñgeydegi 17 sayısqa qatıstı. Onda olar ärtürli därejedegi 70-ten asa medal'di jeñip alğan bolatın.

“The Qazaq Times”