Elimizde jemqorlıq derti dendep baradı. Memlekettik ister jäne jemqorlıqqa qarsı küres agenttiginiñ habarlauınşa, biıl 30-dan astam şeneunik para alğanı üşin wstalğan. Osı orayda elimizdiñ jemqorlıq jiilegen aymaqtarına toqtalıp ötudi jön sanadıq.

Qarağandı oblısı Sätpaev qalası äkiminiñ orınbasarı jeke birlestik basşısınan 100 mıñ teñge köleminde para aldı dep qamauğa alınğan. Aqmola oblısınıñ äkimi öziniñ lauazımdıq mindetterin orındau kezinde qol qoyu turalı zañsız qaulını wsındı degen ayıppen tergeu jwmıstarı bastalğan.

Atırau oblısınıñ audan äkimi jäne qwrılıs böliminiñ basşısına qorqıtıp para aldı degen küdikpen wstaldı. Äkim orınbasarı kinäsin moyındap 7 jılğa bas bostandığınan ayırılsa, qwrılıs basşısına 35 mln teñge ayıppwl salındı.

Pavlodar oblısı Qalqaman auılınıñ äkimi, Almatı oblısı Bayserke auılınıñ äkimine osı negizde küdikke ilindi. Jetisay audanınıñ äkimi 12 mln teñge, Qosşı audanınıñ äkimi 8,8 mln teñge ayıppwl töledi.

Joğarıda atalğan isterden bizge beymälim jayttar da barşılıq. Jemqorlıqtıñ jıldan-jılğa artuı – jüyeniñ şalalığın bildirse kerek. Bir jıldıñ işinde otız şeneunik para alsa, damığan otız eldiñ qatarına qosılu mümkindigimiz qanşalıqtı?!

"The Qazaq Times"