Biıldan bastap  mektep direktorlarınıñ käsibi deñgeyin köteru mäselesine basa nazar audarıladı. Osığan baylanıstı direktorlardı tağayındau qağidaları özgerdi. Bwl turalı Bilim jäne ğılım ministri Erlan Sağadiev mälimdedi.

Jaña qağidalarğa säykes, mektep direktorına ümitker tört etaptan twratın konkurstan ötedi. Birinşiden, mekteptiñ qamqorşılıq keñesinen ötu kerek. Odan keyin zañnama testi, oblıstıq bilim basqarmasınıñ kelisimi, audandıq, qalalıq bilim bölimderindegi swhbat.

Mektep direktorı tek tört jılğa tağayındaladı. Äri qaray jwmıs isteymin dese, konkurstan qayta ötuge mümkindigi bar.

Mekteptiñ qamqorşılıq keñesine äkimdik ökilderi, mektep basşılığı, demeuşiler, mektep tülekteri, ata-analar men ükimettik emes wyımdardıñ ökilderi kiredi.

“The Qazaq Times”