Apta basında redakciyağa Almatı qalasında Ibıray Altınsarin atındağı №159 mektep-gimnaziyasınıñ mwğalimderi oqu jılınıñ alğaşqı toqsandığındağı demalıs kezinde «käsiptik mindetterimen baylanıstı emes jwmıs türlerine» eriksiz tartılğanı turalı aqparat kelip tüsti. Mekeme äkimşiligi tarapınan qısımğa wşıraudan qauiptengen ata-ana men mwğalimder atı-jönin atamaudı swradı.
Redakciyağa jügingen mwğalimder täuelsizdikpen qwrdas oqu oşağında «Pedagogika märtebesi turalı» zañnıñ taptalğanın aytadı. Düysenbi küni jiırma şaqtı maman «demalısta ırqınan tıs jwmısqa jegilgen».
«Er mwğalimder däliz ben baspaldaqpen köteriletin kireberisterdi aqtap-sırlauğa mindetteldi, şkaf jıljıtıp, stendter men orındıqtardı tasıp jattı. Al äyel mwğalimder kitap jinap, rettestirdik. Bwl küni özge mektepterdegi äriptes qwrbılarımız toqsandıq demalısta boldı. Ağaylardıñ aytuınşa, qabırğanıñ tömengi eki metrin sırlağan, joğarğı böligin aqtağan. Negizi jazda arnayı jöndeuden ötken. Basşılıqtıñ qayta jasatqanına qarağanda sapasız bolğan şığar, kim bilsin. Ol jağınan qwrılıs mamanı bolmağan soñ ayta almaymın», – deydi narazılardıñ biri.
Öziniñ jäne äriptesteriniñ eñbek qwqığı bwzılğanına narazılığın jetkizgen pedagog «mindetine jatpaytın asarğa» 30 jıldıq tarihı bar mekteptiñ ekinşi direktorı «El'mira Bidaybekovanıñ tapsırması boyınşa» şaqırtılğanın aytadı. 1 qaraşada bolğan jayt boyınşa redakciya Almatı qalasınıñ Bilim basqarmasına jügindi. Basqarmanıñ baspasöz hatşısı Quandıq Eşimet «mektepti özdiginen teksere almaytının» aytıp, qwziretti mekeme retinde qalalıq Bilim salasındağı sapanı qamtamasız etu departamentine siltedi. QT Bilim jäne ğılım ministrligine atalğan fakt jöninde bayandap, resmi tüsindirme swradı. Vedomtsvonıñ baspasöz hatşısı Möldir Äbdualieva tekseris bastalğanın habarladı. Äzirge bwdan özge tolımdı aqparat berile qoymadı.
Bwğan deyin bilim oşağın 25 jıl boyı «Qazaqstannıñ Eñbek Erik» äri «Eñbek siñirgen qayratkeri» marapatınıñ iegeri Aygül Mirazova basqarğan. 800 oquşığa arnalğan, alayda büginde 1,5 mıñğa tarta bala bilim alatın mektep 1991 jılı qwrılğan.
Täuelsizdiktiñ 10 jäne 20 jıldıq twsında qatarınan eki ret «Tañdaulı mektep» bayqauınıñ bas jüldegeri atanğan mektep biıl otızjıldıqta mwğalimderdi qızmetine jatpaytın jwmısqa «jeguiniñ» sebebi äzirge belgisiz. Ata-ananıñ biri mwnı jazğı jöndeu kezeñindegi salğırttıqtıñ saldarın jamap-jasqau dep esepteydi.
Aşıq derekközdegi mälimetterge qarağanda, bilim mekemesi keyingi bes jılda memleketke 207 million teñge alım-salıq tölegen. Biıldıñ özinde meje 60 mln teñge qarjığa juıqtağan.
Egemendiktiñ şirek ğasırında Qazaqstanda pedagogika salası oñdı-soldı reformalauğa wşırap, türli kemşilikter qordalana kele jüyeli mäselelerge aynalğan edi. Keyingi birer jılda memleket byurokratiya men äkimşil-ämirşil jüyeniñ toqpağına tüsken bilim bağıtın jaqsartuğa birşama qadam jasadı.
2019 jılı 27 jeltoqsanda osı olqılıqtı toltıru maqsatında 21 baptan twratın, 500 mıñnan astam pedagogtiñ müddesin qorğauğa arnalğan «Pedagog märtebesi turalı» zañ qabıldanğan. Äleumettik qoldau, üstemaqı arqılı ıntalandıru, biliktiligin arttıru, jalaqı ösimi siyaqtı oñ özgerister bayqalğanımen äli künge deyin key öñirlerde mwğalimdi artıq jwmısqa jegu: saylau, sanaq siyaqtı sayasi nauqandarğa «jwmsaq täsildermen» tartu, senbilik-tazalıq jwmıstarına şığaru, erkinen tıs jükteme beru tärizdi zañbwzuşılıqtar bolıp twradı.
Zañğa säykes, pedagogterdi özine tän emes funkciyalarğa tartqanı üşin basşılıq ökilderine 20-dan 120 AEK aralığında, yağni 58 mıñ teñgeden 350 mıñ teñgege deyin ayıppwl qarastırılğan.
Şerzattıñ ölimi isine qatıstı qwpiya videonı jariyalau kimge kerek boldı? – Sarapşılar media sını
24 qazan – Kitaphanaşılar merekesi qwttı bolsın!
«Uçaskeden äruaqqa kök hat»: Almatıda marqwmğa kelgen şaqırtu
Komissiya men baqılauşı esebindegi ayırmaşılıq: Almatıda referendum qalay ötip jatır?
"Ädil Qazaqstan, estitin memleket" endi advokattarğa qısım jasay bastadı ma?
«Psevdo-bayqauşı» älde käsibi baqılauşı: Referendumdı kim baqılaydı?
