بيىلدان باستاپ  مەكتەپ ديرەكتورلارىنىڭ كاسىبي دەڭگەيىن كوتەرۋ ماسەلەسىنە باسا نازار اۋدارىلادى. وسىعان بايلانىستى ديرەكتورلاردى تاعايىنداۋ قاعيدالارى وزگەردى. بۇل تۋرالى ءبىلىم جانە عىلىم ءمينيسترى ەرلان ساعاديەۆ مالىمدەدى.

جاڭا قاعيدالارعا سايكەس، مەكتەپ ديرەكتورىنا ۇمىتكەر ءتورت ەتاپتان تۇراتىن كونكۋرستان وتەدى. بىرىنشىدەن، مەكتەپتىڭ قامقورشىلىق كەڭەسىنەن ءوتۋ كەرەك. ودان كەيىن زاڭناما تەستى، وبلىستىق ءبىلىم باسقارماسىنىڭ كەلىسىمى، اۋداندىق، قالالىق ءبىلىم بولىمدەرىندەگى سۇحبات.

مەكتەپ ديرەكتورى تەك ءتورت جىلعا تاعايىندالادى. ءارى قاراي جۇمىس ىستەيمىن دەسە، كونكۋرستان قايتا وتۋگە مۇمكىندىگى بار.

مەكتەپتىڭ قامقورشىلىق كەڭەسىنە اكىمدىك وكىلدەرى، مەكتەپ باسشىلىعى، دەمەۋشىلەر، مەكتەپ تۇلەكتەرى، اتا-انالار مەن ۇكىمەتتىك ەمەس ۇيىمداردىڭ وكىلدەرى كىرەدى.

“The Qazaq Times”