Moñğoldardıñ kiiz üyleri. Foto: xinhuanet.com.

Qıtay ükimeti men QKP-nıñ joğarı lauazımdı ökili İşki Moñğol avtonomiyalı regionına jasağan saparı kezinde, şekara öñirleriniñ twtastığı, wlttar ıntımağı, qoğam ornıqtılığı taqırıptarında bayandama jasap,  Şi Jinpiñniñ «Jaña däuirdegi qıtaylıq ülgidegi socializm» ideyasın nasihattağan. Bwl turalı «Şinhua» aqparattıq agenttigi habarladı.

QKP Ortalıq komiteti, ortalıq sayasi jäne qwqıqtıq komitettiñ hatşısı Go Şıñkun(Guo shengkun)  bwdan bir apta bwrın İşki Moñğol avtonomiyalı regionına is-saparmen barğan. Ol saparı kezinde «şekara öñirdiñ twtastığı men ornıqtılığına kepildik etu jäne wlttar ıntımağın saqtau» mäselelerin köbirek söz etken.

Go Şıñkun İşki Mongol avtonomiyasınıñ Ulaanhot qalasına qauipsizdik küşterimen kezdesu ötkizgen. Ol sözinde: «Biz ornıqtılıqqa qauip töndiretin äreketterdi tübirine deyin joyğanda ğana Qıtay kommunistik partiyasınıñ maqsattarın orınday alamız», – dep atap ötken.

Qıtay ükimeti men jetekşi partiyanıñ lauazımdı twlğası avtonomiyalı aymaqtağı bwl saparı men ondağı sözderinen Tibet pen Şınjañ jerinde jürgizilgen sayasattıñ aldağı uaqıtta İşki Moñğol avtonomiyasında jalğasuı mümkin ekenin añğaruğa boladı. Esteriñizde bolsa, osıdan bwrın Qıtay ortalıq qalasındağı AQŞ elşiligi mañında jarılıs bolğan edi. Resmi aqparat közderiniñ habarında, jarılıs jasauşı 26 jastağı İşki Moñğol avtonomiyasınıñ azamatı dep körsetken bolatın.

“The Qazaq Times”