BWW-da 43 el birlesken mälimdeme jasap, Şıjañ mäselesine alañdauşılıq bildirdi. Foto: CNN

Keşe, 21 qazan beysenbi küni 40-tan astam memleket Birikken Wlttar Wyımında mälimdeme jasap, Qıtaydıñ Şıñjañdağı az sandı mwsılman wlttarına jasağan qısımı turalı alañdauşılıq bildirdi. Bwl ret mälimdeme jasağan elderdiñ qatarında Türkiya da bar.

Halıqaralıq qauımdastıqta 43 eldiñ birlesken mälimdemesinde Şıñjañdağı wyğır, qazaq jäne özge de etnikalıq azşılıqtarğa bağıttalğan «auqımdı baqılau şaralarına», «dini jäne etnikalıq azşılıqtardı nısana ete otırıp wjımdıq janıştau äreketterine» baylanıstı alañdauşılıq bildirilgen.

43 atınan jasağan mälimdemesinde Franciyanıñ BWW-dağı arnayı ökili Nikolas de Riv'er Şıñjañda «Adam qwqığınıñ jalpı jäne jüyeli türde bwzıluı, qinau-azaptau äreketteri, mäjbürli eñbek, jınıstıq zorlıq-zombılıq jäne balalardı ata-anasınan mäjbürli bölu isteri bar» dep körsetti.

Birlesken mälimdemege qol qoyğan elder BWW adam qwqığı jöninde arnayı komissiyanıñ Şıjañğa baruın jäne oğan Beyjiñ biliginiñ rwqsat beruin talap etken.

Birqatar Batıs elderi bastap Beyjiñniñ Şıjañdağı jürgizip jatqan sayasatın ayıptau isine qosılğan elderdiñ sanı jıl sayın köbeyip keledi. Bwl qatardan Türkiyanıñ körinui de ülken män bererlik taqırıp. Türkiyamen qatar Afrikadan da birneşe memleket birlesken mälimdemege qosılğan. Alayda, Qıtaymen tığız baylanısı bar Saud Arabiya, Päkistan sekildi mwsılman elderi Şıjañdağı mwsılman azşılıqtarınıñ qısımğa wşırauı turalı «läm» dep auzın aşpay otır.

Qıtaydıñ BWW-dağı resmi ökildi birlesken mälimdemeni «dälelsiz jasalğan» dep ayıptağan, äri Şıñjañdağı etnikalıq azşılıq ökilderiniñ sayasi qısımğa alınğanı turalı ayıptaudı joqqa şığardı.

The Qazaq Times