Sayragül Sauıtbay. Foto: QT

Panfilov audandıq sotındağı jarıs sözde ayıptauşı tarap Sayragül Sauıtbaydı sot zalınan bosatudı swradı.

Bügin tamız ayınıñ 1-i küni Panfilov audandıq sotında prokuror Arzıgül Imyarova «Qazaqstan şekarasın zañsız kesip ötti» degen ayıp tağılğan Sayragül Sauıtbaydıñ  balaları Qazaqstan azamatı ekenin, osı elde twratının jäne balalarımen kezdesuin qamtamasız etu qajettigin ayttı. Ol osığan baylanıstı äri Sauıtbay qılmısın moyındağandıqtan oğan Qazaqstannan şığaru jazasın qoldanbaudı swradı.

Jarıs söz. Foto: QT

"İs-äreketinde qılmıstıq jazanı auırlatatın jağdaylar bolmağandıqtan, onı Qazaqstan Qılmıstıq kodeksiniñ 392-babı 1 böligimen ("memlekettik şekaranı zañsız qasaqana kesip ötu" - red.) kinäli dep tanıp, altı ayğa bas bostandığınan ayıru, biraq onı şarttı jazağa auıstıru jäne altı ay probaciyalıq baqılauğa alu jazasın kesudi jäne sot zalınan bosatudı swraymın" dedi prokuror

Ayıptauşı taraptan keyin söz alğan Sayragül Sauıtbay men onıñ qorğauşısı Abzal Qwspan prokurordıñ swrağan jazasımen kelisetindikterin mälimdedi. Osıdan keyin sud'ya sot ükimi sağat 15-30-da oqılatının aytıp, üzilis jariyaladı.

“The Qazaq Times”