Qazaqstan men Özbekstan birlesken äskeri oqu-jattığu jwmıstarın ötkizdi.

Özbekstan qorğanıs ministrligi baspasöz qızmetiniñ mälimetinşe, qazaq-özbek qarulı küşteri terrorizmge qarsı birlesken äskeri oqu-jattığu jwmıstarın ötkizgen. Oqu-jattığu jwmıstarı barısında barlau, taulı aymaqta soğıs jürgizu, äue jäne artilleriyalıq  şabuıl is-qimıldarı pısıqtalğan.

Bwğan deyin Qazaqstan men Özbekstan qarulı küşteriniñ birlesken oqu-jattığu jwmıstarınıñ birinşi böligi şilde ayınıñ 10-ı men 16-ı künderi aralığında Qazaqstan aumağında ötken. Ol kezde de qos tarap terrorizmge qarısı birlesip küresu jwmıstarın pısıqtağan.

Jalpı, soñğı jıldarı Qazaqstan men Özbekstan qarım-qatınası äskeri bağıtta ğana emes, özge de salalarda jaña deñgeyge köterilgen. Eki el arasındağı tauar aynalımı 2017 jılı 2016 jılmen salıstırğanda 32,1 payızğa ösip, 2 milliard dollarğa jetken. Qos tarap 2018 jılı bwl körsetkişti 3 milliard dollarğa, al 2020 jılı 5 milliard dollarğa jetkizudi közdeude.

“The Qazaq Times”