قازاقستان مەن وزبەكستان بىرلەسكەن اسكەري وقۋ-جاتتىعۋ جۇمىستارىن وتكىزدى.

وزبەكستان قورعانىس مينيسترلىگى ءباسپاسوز قىزمەتىنىڭ مالىمەتىنشە، قازاق-وزبەك قارۋلى كۇشتەرى تەرروريزمگە قارسى بىرلەسكەن اسكەري وقۋ-جاتتىعۋ جۇمىستارىن وتكىزگەن. وقۋ-جاتتىعۋ جۇمىستارى بارىسىندا بارلاۋ، تاۋلى ايماقتا سوعىس جۇرگىزۋ، اۋە جانە ارتيللەريالىق  شابۋىل ءىس-قيمىلدارى پىسىقتالعان.

بۇعان دەيىن قازاقستان مەن وزبەكستان قارۋلى كۇشتەرىنىڭ بىرلەسكەن وقۋ-جاتتىعۋ جۇمىستارىنىڭ ءبىرىنشى بولىگى شىلدە ايىنىڭ 10-ى مەن 16-ى كۇندەرى ارالىعىندا قازاقستان اۋماعىندا وتكەن. ول كەزدە دە قوس تاراپ تەرروريزمگە قارىسى بىرلەسىپ كۇرەسۋ جۇمىستارىن پىسىقتاعان.

جالپى، سوڭعى جىلدارى قازاقستان مەن وزبەكستان قارىم-قاتىناسى اسكەري باعىتتا عانا ەمەس، وزگە دە سالالاردا جاڭا دەڭگەيگە كوتەرىلگەن. ەكى ەل اراسىنداعى تاۋار اينالىمى 2017 جىلى 2016 جىلمەن سالىستىرعاندا 32,1 پايىزعا ءوسىپ، 2 ميلليارد دوللارعا جەتكەن. قوس تاراپ 2018 جىلى بۇل كورسەتكىشتى 3 ميلليارد دوللارعا، ال 2020 جىلى 5 ميلليارد دوللارعا جەتكىزۋدى كوزدەۋدە.

“The Qazaq Times”