Qazaqstandıqtar şilde ayınıñ biri küni alğaş ret «wlttıq dombıra künin» atap ötti.

Şilde ayınıñ biri küni mädeniet jäne sport ministrliginiñ qoldauımen Astana jäne Almatı qalalarında dombıra künine oray bwqara halıqqa  arnalğan merekelik şara  bolıp ötti. Astana qalasınıñ «Qazaq Eli» monumenti eskertkişiniñ aldında eki mıñ dombıraşı bir mezgilde «Köñil aşar», «Aday», «Balbırauın», «Erke Sılqım» jäne «Sarıarqa» sındı birneşe tanımal küylerdi orındadı. Küylerdi orındauğa tanımal muzıkanttar, qoğam  jäne memleket qayratkerleri qatıstı.

Sonday-aq, sahnağa Qwrmanğazı atındağı Qazaq memlekettik wlt aspaptar orkestri,  «Otırar Sazı» fol'klorlıq-etnografiyalıq wlt aspaptar orkestri jäne Astana qalası wlt aspaptar Memlekettik akademiyalıq orkestri ärtisteri öz önerlerin körsetti.

“The Qazaq Times”