قازاقستاندىقتار شىلدە ايىنىڭ ءبىرى كۇنى العاش رەت «ۇلتتىق دومبىرا كۇنىن» اتاپ ءوتتى.

شىلدە ايىنىڭ ءبىرى كۇنى مادەنيەت جانە سپورت مينيسترلىگىنىڭ قولداۋىمەن استانا جانە الماتى قالالارىندا دومبىرا كۇنىنە وراي بۇقارا حالىققا  ارنالعان مەرەكەلىك شارا  بولىپ ءوتتى. استانا قالاسىنىڭ «قازاق ەلى» مونۋمەنتى ەسكەرتكىشىنىڭ الدىندا ەكى مىڭ دومبىراشى ءبىر مەزگىلدە «كوڭىل اشار»، «اداي»، «بالبىراۋىن»، «ەركە سىلقىم» جانە «سارىارقا» سىندى بىرنەشە تانىمال كۇيلەردى ورىندادى. كۇيلەردى ورىنداۋعا تانىمال مۋزىكانتتار، قوعام  جانە مەملەكەت قايراتكەرلەرى قاتىستى.

سونداي-اق، ساحناعا قۇرمانعازى اتىنداعى قازاق مەملەكەتتىك ۇلت اسپاپتار وركەسترى،  «وتىرار سازى» فولكلورلىق-ەتنوگرافيالىق ۇلت اسپاپتار وركەسترى جانە استانا قالاسى ۇلت اسپاپتار مەملەكەتتىك اكادەميالىق وركەسترى ارتىستەرى ءوز ونەرلەرىن كورسەتتى.

“The Qazaq Times”