Foto: cont.ws

Germaniya Reseydi qoldauğa köşti. Olar orıstarğa ekinşi gaz qwbırın saldıruğa rwqsat berip, arzan önim twtınbaq. Osılayşa, Germaniya Reseydiñ Qırımdı Ukrainadan tartıp aluına  qarsılıq bildirmeytinin añğarttı. Mwnıñ soñı - Germaniya men AQŞ arasındağı tireske wlasuı bek mümkin. Ekinşi mäsele, Europalıq Odaq orıs oligarhtarınıñ Batıs elderi  bankterindegi Reseyden "jımqırılğan qarjılardı bwğattau" äreketteri. Üşinşi mäsele, Batısta translyaciya jasaytın Resey telearnalarınıñ jwmısın "jalañ nasihat" , "jalğan aqparattardı taratu -propaganda" dep bağalauı. Olay bolsa, Resey teledidarınıñ jwmısın Europalıq Odaqta toqtatu mañızdı dep esepteledi. Sonımen, Reseyge ekinşi gaz qwbırın saluğa rwqsat berilse, biraq Resey gazın satıp aluğa rwqsat bermeui mümkin. Reseydiñ aqşasın bwğattasa, Resey teledidarın Europada toqtatsa, bwl şaralar Putinniñ jağdayın jeñildetpeydi. Atalğan jağdaylar Qazaqstanğa qanşalıqtı äser etedi?

Aldımen, Ukrainağa auız salğan Resey bizdiñ soltüstik ölkelerge dämeli ekeni belgili. Sondıqtan Putindik Reseydiñ agressivtik sırtqı sayasatı qıspaqqa alınğanı bizge qolaylı. Batıstıñ ekinşi şarası da bizdiñ oñ jambasqa keledi. Resey alpauıttarınıñ "zañsız jinalğan aqşaları" tärkilense, Reseydegi dağdarıstıñ küşeyuine äkeledi. Reseydiñ "korrupciya jolımen jinalğan qarjıları" Qazaqstanğa "investiciya bolıp kelip, elimizdiñ strategiyalıq salaların qadağalauda". Biz de Reseydiñ "wrlıqtan jinalğan aqşaların investiciya emes", "wrlanğan aqşa" dep bağalap, bwğattauımız kerek. Üşinşi mäsele - Reseydiñ imperiyalıq, ötirikşil nasihatınıñ Europadağı jabıluı bizdiñ aqparattıq sayasattı özgertu kerektigin däleldeydi. Qazaqstan Resey telearnaların otandıq mediya keñistiginde bwğattau kerektigin kün tärtibine qoyıp otırsa. Sol siyaqtı "Habar" telearnası tek qazaqşağa ötip, qazaqtı orıstandıru sayasatın toqtatsa. Batıs bosqadan bosqa orıstıñ nasihatınan beker bezip otırğan joq. Sonımen Resey teledidarın, olardıñ uday zaualdı nasihatın bwğattau bizge de mañızdı.

“The Qazaq Times”