Foto: autonews.ru

AQŞ-tıñ bwrınğı prezidenti Donal'd Tramp öziniñ Floridadağı üyine FBR tintu jürgizgenin, üydegi seyfti bwzıp aşqanın ayttı.

Düysenbi küngi tintude Tramp mırzanıñ qwjattarın teksergen. "Bwğan deyin Amerika Qwrama Ştattarınıñ prezidentteriniñ eşqaysısında mwnday jağday bolğan emes»- dedi bwrınğı prezident. Tramptıñ advokatı Kristina Bobb NBC News-ke bergen pikirinde tintu kezinde keybir qağazdar tärkilengenin ayttı, onıñ üyinen birneşe qorap qwjat alınğan. Amerikandıq prezidentter Prezidenttik jazbalar turalı zañğa (PRA) säykes özderiniñ barlıq hattarın, jwmıs qwjattarın jäne elektrondıq poştaların Wlttıq mwrağatqa (NA) berui kerek.

Aqpan ayında Wlttıq mwrağat Mar-a-Lagodan 15 qorap qağazdı alğanın ayttı, onı Tramp Aq üyden şıqqan kezde tapsıruı kerek edi. Wlttıq mwrağat şeneunikteriniñ aytuınşa, bwrınğı prezident köptegen qwjattardı zañsız büldirgen. Olardıñ keybireulerin qaytadan qalpına keltiruge tura keldi deydi.   Alayda Tramp mırza jäne onıñ jaqtastarı bolğan oqiğağa narazı. Olardıñ aytuınşa Amerika qazir bwrın-soñdı bolmağan deñgeyde sıbaylas jemqorlıq jaylağan elderdiñ birine aynağan. Bwl jağday onıñ 2024jılı bolatın prezidnttik saylauğa dayındığı bastalğan kezde bolğandıqtan, saylauğa qatıstırmau üşin jasalıp jatır dep sanaydı.