Özbekstan men Täjikstan twñğış ret birlesken äskeri oqu-jattığu jwmıstarın ötkizbek.

Jergilikti BAQ ökilderiniñ mälimetinşe, qazirgi tañda qos taraptıñ qorğanıs ministrlikteri birlesken äskeri oqu-jattığu jwmıstarınıñ ötetin ornı men jattığuğa qatısatın äsker sanın anıqtauğa baylanıstı kelissözder jürgizude. Oqu-jattığu jwmıstarı barısında Özbekstan men Täjikstan qarulı küşteri terrorizmge qarsı birlesip küresu täsilderin pısıqtaydı dep kütilude.

Özbekstan men Täjikstan arasındağı äskeri oqu-jattığu jwmıstarı twñğış ret ötkizilude. Bwğan deyin Özbekstan qarulı küşteri bir de bir ret aymaqtıq äskeri oqu-jattığu jwmıstarına qatıspağan. Resmi Taşkent pen Duşanbe arasındağı qarım-qatınas bilik basına Şavkat Mirzieevtıñ keluimen jaqsarğan. Eki el qarulı küşteri 2017 jıldıñ aqpan ayında Özbekstan qorğanıs ministri Abdusalom Azizovtıñ Täjikstanğa jasağan resmi is-saparı kezinde birlesip oqu-jattığu jwmıstarın ötkizuge baylanıstı kelisimge kelgen.

“The Qazaq Times”