وزبەكستان مەن تاجىكستان تۇڭعىش رەت بىرلەسكەن اسكەري وقۋ-جاتتىعۋ جۇمىستارىن وتكىزبەك.

جەرگىلىكتى باق وكىلدەرىنىڭ مالىمەتىنشە، قازىرگى تاڭدا قوس تاراپتىڭ قورعانىس مينيسترلىكتەرى بىرلەسكەن اسكەري وقۋ-جاتتىعۋ جۇمىستارىنىڭ وتەتىن ورنى مەن جاتتىعۋعا قاتىساتىن اسكەر سانىن انىقتاۋعا بايلانىستى كەلىسسوزدەر جۇرگىزۋدە. وقۋ-جاتتىعۋ جۇمىستارى بارىسىندا وزبەكستان مەن تاجىكستان قارۋلى كۇشتەرى تەرروريزمگە قارسى بىرلەسىپ كۇرەسۋ تاسىلدەرىن پىسىقتايدى دەپ كۇتىلۋدە.

وزبەكستان مەن تاجىكستان اراسىنداعى اسكەري وقۋ-جاتتىعۋ جۇمىستارى تۇڭعىش رەت وتكىزىلۋدە. بۇعان دەيىن وزبەكستان قارۋلى كۇشتەرى ءبىر دە ءبىر رەت ايماقتىق اسكەري وقۋ-جاتتىعۋ جۇمىستارىنا قاتىسپاعان. رەسمي تاشكەنت پەن دۋشانبە اراسىنداعى قارىم-قاتىناس بيلىك باسىنا شاۆكات ميرزيەەۆتىڭ كەلۋىمەن جاقسارعان. ەكى ەل قارۋلى كۇشتەرى 2017 جىلدىڭ اقپان ايىندا وزبەكستان قورعانىس ءمينيسترى ابدۋسالوم ازيزوۆتىڭ تاجىكستانعا جاساعان رەسمي ءىس-ساپارى كەزىندە بىرلەسىپ وقۋ-جاتتىعۋ جۇمىستارىن وتكىزۋگە بايلانىستى كەلىسىمگە كەلگەن.

“The Qazaq Times”