"Qayraq qwm" su qoyması.

Qazaqstan Täjikstanğa «Qayraq qwm» su qoymasınıñ suın tiimdi paydalanuğa kömektespek.

Qazaqstan Täjikstanğa «Qayraq qwm» su qoymasındağı sudı wtımdı paydalanuğa baylanıstı qwjat jibergen. Täjikstan Respublikasınıñ Energetika jäne su resurstarı ministriniñ birinşi orınbasarı Swltan Rahimzodanıñ sözinşe, Qazaqstan «Qayraq qwm» su qoymasınıñ su resurstarın wtımdı paydalanuda kömek körsetudi wsınğan. Onıñ aytuınşa, Qazaqstanmen qatar Özbekstan da «Qayraq qwm» su qoymasına qol wşın beruge niet bildirgen jäne osığan baylanıstı arnayı jwmıs tobı qwrılğan.

Swltan Rahimzoda atalmış mäselege baylanıstı jurnalisterge bergen swhbatında: «Kelisim Täjikstannıñ sudı satuın bildirmeydi. Qazaqstan men Özbekstan jazğı uaqıtta «Qayraq qwm» su qoymasında sudı köp jinaqtauğa kömektesedi. Bwl ülken qarjını talap etedi. Astana men Taşkent bwl qarajattı Täjikstanğa beruge dayın », - degen.

Täjikstan 2008 jılğa deyin su ağının retteude Qazaqstan jäne Özbekstanmen birlesip jwmıs istep kelgen. Eki el de Sırdariya suın jinauğa qarjılay jäne tehnikalıq kömek körsetken.

"Qayraq qwm" su qoyması Täjikstannıñ Soğdi oblısı men Özbekstannıñ Ferğana oblısınıñ şekarasında ornalasqan. Ol Täjikstandağı eñ iri su qoymalarınıñ biri. "Qayraq qwm" su qoyması Sırdariya özeniniñ ağısın retteu üşin salınğan. Onıñ qwramına su bögetinen özge su elektrstanciyası kiredi. "Qayraq qwmğa" sudı toltıru Keñes odağı twsında 1950 jılı bastalğan.

“The Qazaq Times”