Londonda auır qılmıstar sanı östi. Foto: mindenegybenblog.com.

London qalasınıñ policiya tarauları habarlama taratıp, qaladağı auır qılmıs sanınıñ kürt artqanı turalı mälimdedi. Soñğı eki ayda Angliyanıñ bas qalasında qastandıq isteri men adam ölimi köbirek tirkelgen. Bwl körsetkiş boyınşa London qalası alğaş ret N'yu-York qalasınan asıp tüsti. Wlıbritaniyanıñ ükimeti atalğan mäselege ülken alañdauşılıq bildirip otır. BBC agenttigi habarladı.

Üstimizdegi jıldıñ bas şeninde Londonda 46 adamnıñ ömirine qastandıq jasalğan. Osımen bir mezgilde AQŞ-tıñ N'yu-York qalasında bwl körsetkiş 50 adamdı qwrağan. Alayda, aqpan men naurız aylarında London qalasında auır qılmıstıq ister köbeye tüsken. N'yu-Yorkte bwl  eki ayda 32 adam basqalar jağınan öltirilgen bolsa, Londonda 37 adamnıñ ömirine qol salınğan eken.

Britaniya men AQŞ-tıñ bwl eki qalasın salıstırudağı sebep, eki şahardıñ da twrğındar sanı qaraylas – Londonda şamamen 8,8 mln adam, N'yu-Yorkte 8,6 adam. Auır qılmıs ötkizu körsetkişi boyınşa osığan deyin N'yu-York aldınğı orında bolıp kelgen. Londonnıñ qauipsizdik taraularınıñ mälimdeuinşe, qastandıqpen kisi öltirudiñ basım köbi pışaqpen jasalğan şabuıldardan bolğan. Biraq, osı körsetkişterge qaramastan, Britaniyanıñ ortalıq qalası älemdik deñgeyde eñ qauipsiz qalalardıñ qatarında twr.

Britaniya ükimeti jasöspirimder arasındağı pışaq arqılı qol salu jäne basqa da qılmıstardı boldırmau maqsatında qoğamdıq jarnamalar taratuda. Bwl üşin ükimet tarabı 1,8 mln AQŞ dolları köleminde qarjı bölgen.

Älemge tanımal alıp şahardıñ biri Mäskeudi ayta keter bolsaq, 2018 jıldıñ alğaşqı eki ayında bwl qalada 44 adamğa qastandıq jasalğan. Degenmen, mälimetterge jüginsek Reseydiñ bas qalasında qastandıqpen kisi öltiru isteri jıldan jılğa azayıp bara jatqan körinedi. Aytalıq, 2010 jılı 582 qılmıstıq is tirkelse, 2013 jılğa jetkende 379 adam, al 2017 jılı bwl körsetkiş 315 adamğa deyin azayğan. Mäskeude şamamen 12,5 mln twrğın bar.

 “The Qazaq Times”