Jwldızdar twmandığı. Foto: oboi20.ru

NASA 2009 jılı «Habbl» ğarış baqılau teleskobın jöndeuden ötkizip, bwrın tüsiru mümkin bolmağan jwldızdar twmandıqtarın suretke tüsirdi. Keñ ğarıştan ineniñ jasuınday  körinetin jarıqtardıñ şın mänindegi alıp beynesi, adamdardı şeksiz qiyalğa jeteleydi. Tilsim ğarış adamdardı öziniñ sırın aşuğa şaqırıp twradı.

Foto: tech.sina.com.cn

2009 jılı qayta jöndeuden ötkennen keyin «Habbl» teleskobı tapqan “NG6302” jwldızdar twmandığı sol kezde astronomiya salasındağı aytulı jañalıq bolıp edi. Bwl jwldızdar twmandığınıñ eki türli atı bar – «Nasekom jwldızdar twmandığı» jäne «Köbelek jwldızdar twmandığı». Bwnday at onıñ qanatın jayğan körkem köbelekke wqsap ketken beynesine qarata qoyılğan.

Foto: tech.sina.com.cn

Surettegi Galaktikalar «Stefan üştigi», keyde «Hikson tobı 92» dep te ataladı. «Habbl» 2009 jıldan bergi tapqan bes ülken jaña Galaktikanıñ üşeui osı «Stefan üştigi».

Foto: tech.sina.com.cn

AQŞ Aeronavtika jäne ğarış keñistigin zertteu ortalığı (NASA) jäne özge de ğarış zertteu ortalıqtarı bolıp älemnen 10 milliardqa juıq Galaktikalardıñ barın taptı.

Foto: Hubble Photos / tech.sina.com.cn

Antenna Galaktikası – NGC 6217. Bwl tüzetilgen Habbldıñ ACS kamerası birinşi ret tüsirgen Galaktika.

Foto: Hubble Photos / tech.sina.com.cn

Habbldıñ jwldızdı twmandıqtı eki keñistikte tüsirgeni. Alğaşında bwl twmandıq Galaktikalardıñ arğı betinde twrğan bwlıñğır twman edi. Köp jıdar boyı teleskoptı osı twmandıqqa turalau arqılı ğalımdar twmandıqtıñ asa körkem körnisin bes jıl bwrın ğana tolıq tüsire aldı. Bwl twmandıq «Qwrulı bağana» degen balama atpen tanımal.

Foto: Hubble Photos / tech.sina.com.cn

«Qwrulı bağananıñ» tolıq beynesi. Twmandıq arasınan «Näreste jwldız şoğırı» anıq körinedi.

Foto: Hubble Photos / tech.sina.com.cn

Bwl samaladay samsığan jwldızdar şoğırı – bizge mälim bolğan barlıq Galaktikalardıñ beynesi. Bwlar bizdiñ ğalamdı qwraytın ölşemderi öte ülken jwldızdar şoğırı. Bizge mälim Galaktikalar bölegin Metagalaktika dep ataydı. Formasınıñ är aluandığına qaray sferalıq, ellipstik, spiral' jäne bwrıs pişindi Galaktika bolıp törtke jikteledi. Bizdiñ jasap jatqan Galaktikamız – Qwsjolı men oğan jaqın 15 jwldızdar şoğırı qosılıp, jergilikti Galaktikalar dep ataladı.

Dayındağan: Qoltuğan TÄÑİRJAR

“The Qazaq Times”