NASA 2009 جىلى «حاببل» عارىش باقىلاۋ تەلەسكوبىن جوندەۋدەن وتكىزىپ، بۇرىن ءتۇسىرۋ مۇمكىن بولماعان جۇلدىزدار تۇماندىقتارىن سۋرەتكە ءتۇسىردى. كەڭ عارىشتان ينەنىڭ جاسۋىنداي كورىنەتىن جارىقتاردىڭ شىن مانىندەگى الىپ بەينەسى، ادامداردى شەكسىز قيالعا جەتەلەيدى. ءتىلسىم عارىش ادامداردى ءوزىنىڭ سىرىن اشۋعا شاقىرىپ تۇرادى.
فوتو: tech.sina.com.cn
2009 جىلى قايتا جوندەۋدەن وتكەننەن كەيىن «حاببل» تەلەسكوبى تاپقان “NG6302” جۇلدىزدار تۇماندىعى سول كەزدە استرونوميا سالاسىنداعى ايتۋلى جاڭالىق بولىپ ەدى. بۇل جۇلدىزدار تۇماندىعىنىڭ ەكى ءتۇرلى اتى بار – «ناسەكوم جۇلدىزدار تۇماندىعى» جانە «كوبەلەك جۇلدىزدار تۇماندىعى». بۇنداي ات ونىڭ قاناتىن جايعان كوركەم كوبەلەككە ۇقساپ كەتكەن بەينەسىنە قاراتا قويىلعان.
فوتو: tech.sina.com.cn
سۋرەتتەگى گالاكتيكالار «ستەفان ۇشتىگى»، كەيدە «حيكسون توبى 92» دەپ تە اتالادى. «حاببل» 2009 جىلدان بەرگى تاپقان بەس ۇلكەن جاڭا گالاكتيكانىڭ ۇشەۋى وسى «ستەفان ۇشتىگى».
فوتو: tech.sina.com.cn
اقش اەروناۆتيكا جانە عارىش كەڭىستىگىن زەرتتەۋ ورتالىعى (NASA) جانە وزگە دە عارىش زەرتتەۋ ورتالىقتارى بولىپ الەمنەن 10 ميللياردقا جۋىق گالاكتيكالاردىڭ بارىن تاپتى.
فوتو: Hubble Photos / tech.sina.com.cn
انتەننا گالاكتيكاسى – NGC 6217. بۇل تۇزەتىلگەن حاببلدىڭ ACS كامەراسى ءبىرىنشى رەت تۇسىرگەن گالاكتيكا.
فوتو: Hubble Photos / tech.sina.com.cn
حاببلدىڭ جۇلدىزدى تۇماندىقتى ەكى كەڭىستىكتە تۇسىرگەنى. العاشىندا بۇل تۇماندىق گالاكتيكالاردىڭ ارعى بەتىندە تۇرعان بۇلىڭعىر تۇمان ەدى. كوپ جىدار بويى تەلەسكوپتى وسى تۇماندىققا تۋرالاۋ ارقىلى عالىمدار تۇماندىقتىڭ اسا كوركەم كورنىسىن بەس جىل بۇرىن عانا تولىق تۇسىرە الدى. بۇل تۇماندىق «قۇرۋلى باعانا» دەگەن بالاما اتپەن تانىمال.
فوتو: Hubble Photos / tech.sina.com.cn
«قۇرۋلى باعانانىڭ» تولىق بەينەسى. تۇماندىق اراسىنان «نارەستە جۇلدىز شوعىرى» انىق كورىنەدى.
فوتو: Hubble Photos / tech.sina.com.cn
بۇل سامالاداي سامسىعان جۇلدىزدار شوعىرى – بىزگە ءمالىم بولعان بارلىق گالاكتيكالاردىڭ بەينەسى. بۇلار ءبىزدىڭ عالامدى قۇرايتىن ولشەمدەرى وتە ۇلكەن جۇلدىزدار شوعىرى. بىزگە ءمالىم گالاكتيكالار بولەگىن مەتاگالاكتيكا دەپ اتايدى. فورماسىنىڭ ءار الۋاندىعىنا قاراي سفەرالىق، ەلليپستىك، سپيرال جانە بۇرىس ءپىشىندى گالاكتيكا بولىپ تورتكە جىكتەلەدى. ءبىزدىڭ جاساپ جاتقان گالاكتيكامىز – قۇسجولى مەن وعان جاقىن 15 جۇلدىزدار شوعىرى قوسىلىپ، جەرگىلىكتى گالاكتيكالار دەپ اتالادى.
دايىنداعان: قولتۋعان ءتاڭىرجار
“The Qazaq Times”
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى