Foto: primeminister.kz

Qazaqstanda şağın nesie beru  bağdarlamasın qarjılandıruğa 62 milliard teñge bölindi, Bwl turalı QR Ükimetiniñ otırısında eñbek jäne halıqtı äleumettik qorğau ministri Mädina Äbilqasımova mälimdedi, dep habarlaydı prem'er ministrdiñ resmi saytı.

Ministrdiñ sözänşe, büginde şağın nesie berudi köbeytu 2017–2021 jıldarğa arnalğan Önimdi jwmıspen qamtu jäne jappay käsipkerlikti damıtu bağdarlaması ayasında jüzege asırıluda jäne jappay käsipkerlikti damıtudıñ eñ tiimdi tetigi retinde sanaladı.

2018 jılı bekitilgen byudjette şağın nesie beru bağdarlamasına jalpı — 42 mlrd teñge, onıñ işinde auıldıq jerlerge — 31 mlrd teñge jäne qalalar men monoqalalar üşin — 11 mlrd teñge qarastırılğan.

«Memleket basşısınıñ tapsırması boyınşa qarjılandıru 20 mlrd teñgege wlğaytılıp, biılğı jılı 62 mlrd teñgeni qwraydı», - dedi Äbilqasımova.

Ministr şağın nesie berudiñ sapalı äserin qamtamasız etu üşin, sonday-aq soñğı qarız aluşığa qarajat jetkizudi uaqıtılı josparlau maqsatında qosımşa bölinetin 20 mlrd teñgeden auıldar men şağın qalalardağı nesielendiruge şamamen 14 mlrd teñgeni böludi wsındı.

M. Äbilqasımovanıñ aytuınşa, biznes-jobalardı qorğau jäne şağın nesielerdi alu üşin jwmıssızdar men özin-özi jwmıspen qamtığan azamattar aldımen «Bastau–Biznes» jobası boyınşa oquı kerek. Qosımşa bölinetin qarajattı eskere otırıp, käsipkerlik negizderin oqıtuğa jalpı transfertter esebinen kem degende 1,2 mlrd teñge bölu wsınıladı.

“The Qazaq Times”