Foto: https://kursiv.kz

Biıl Ükimet Parlament qarauına jalpı sanı 32 zañ jobasın engizgen. Bwl jöninde Ükimet otırısında ädilet ministri Marat Beketaev mälimdedi.

Bayandamada aytılğanday, bwl zañ jobaları türli salalardı odan äri damıtuğa bağıttalğan. Mısalı, äleumettik qamsızdandıru, dene şınıqtıru jäne sport, äskeri qızmet jäne arnayı memlekettik organdar qızmetkerleri men äskeri qızmetşilerdiñ twrğın üy qatınastarı t.b.
Aldağı jılı «Erekşe tauarlardı baqılau turalı», «Ösimdikter älemi turalı» jäne «Ardagerler turalı» jaña jekelegen zañ jobaların äzireu közdelip otır. Jospar jobasında Memleket basşısınıñ Qazaqstan halqına joldauın, sonday-aq prezidenttiñ saylaualdı bağdarlamasın iske asıruğa bağıttalğan birqatar zañ jobaları közdelgen.

Olar: memlekettik satıp alular, dene şınıqtıru jäne sport, audandıq, qalalıq jäne auıldıq deñgeydegi biliktiñ derbestigi men jauapkerşiligin keñeytu mäseleleri boyınşa zañ jobaları. Mäselen, memlekettik satıp alular mäseleleri boyınşa zañ jobasın äzirleu satıp alu räsimderin oñaylatu jäne ötkizu räsimderinde artıq retteudi joyu nätijesinde memlekettik satıp alulardı tiimdi ötkizuge ıqpal etetin boladı.

Äzirlenetin zañ jobalarınıñ eñ köbi Industriya jäne infraqwrılımdıq damu ministrligi men Eñbek jäne halıqtı äleumettik qorğau ministrligine tiesili, ärqaysısı 3 zañ jobasınan äzirleydi. Qarjı, wlttıq ekonomika, sırtqı ister, mädeniet jäne sport, geologiya jäne tabiği resurstar, ministrlikteri eki zañ jobasınan äzirleytin boladı. Qorğanıs ministrligi bir zañ jobasın äzirleydi. Sonımen qatar, jospar jobasında qarastırılğan 17 zañ jobasınan 2020 jıldıñ İ jartı jıldığında Parlamentke 8 zañ jobasın, al İİ jartı jıldıqta 9 zañ jobasın engizu közdelgen.

"The Qazaq Times"