Ötken jeksenbi, 26 qañtar prem'er-ministr Asqar Maminniñ jetekşiligimen ükimet keñesi ötti. Demalıs küngi ministrler kabinetiniñ jiınında  Qazaqstannıñ koronavirus indetine dayındığı mäselesi talqılandı.

Densaulıq saqtau ministri E.Birtanov, industriya jäne infraqwrılımdıq damu ministri B.Atamqwlov, mädeniet jäne sport ministri A.Rayımqwlova, sırtqı ister ministriniñ birinşi orınbasarı Ş.Nwrışev, Qazaqstannıñ bas sanitarlıq därigeri J.Bekşin, Wlttıq qauipsizdik komitetiniñ Şekara qızmetiniñ direktorı D.Dilmanov, sonday-aq Almatı jäne Şığıs Qazaqstan oblıstarınıñ basşılığı qalıptasqan jağday men äreket etu şaraları turalı bayandadı.

Otırısta «memlekettik şekaradağı ötkizu punkterinde sanitarlıq-epidemiologiyalıq jäne köşi-qon baqılauın küşeytu (äue, kölik jäne temir jol nısandarı da)» turalı şeşim qabıldandı.

Sonımen qatar jiında mınaday şeşimder qabıldandı:

  • Qıtaydan kelgenderdi medicinalıq baqılaudan ötkizu;
  • Epidemiologiyalıq ahualmen baylanıstı tötenşe jağdayğa dayın bolu, medicinalıq mekemelerdi äzirleu;
  • Qıtayğa qızmettik issaparlardı şekteu, jeke jäne turistik saparlardı keyinge qaldıruğa keñes beru;
  • Tranzitpen kelgen Qıtay jolauşılarına Qazaqstan aumağında 72 sağat vizasız jüruge mümkindik beretin rejimdi toqtatu;
  • «Qorğas» şekara mañı ıntımaqtastıq ortalığınıñ qazaqstandıq böliginde jwmıstı uaqıtşa toqtatu.
  • Qıtaydağı qazaqstandıqtarmen tığız baylanıs ornatıp, olarğa qajetti konsuldıq kömek beru;
  • Qajet jağdayda Uhan' qalasındağı Qazaqstan azamattarın şwğıl evakuaciyalau;
  • Qazaqstanda vedomstvoaralıq komissiya qwrıp, koronavirustıñ taraluına jol bermeu turalı jospar äzirleu.

"The Qazaq Times"