Energetika ministri Qanat Bozımbaev orınbasarınıñ wstaluına qatıstı pikir bildirdi.

Qanat Bozımbaev jurnalister aldında orınbasarı Ğani Sädibekovtıñ wstaluına baylanıstı söylegen sözinde: «Bizdiñ ministrliktiñ vice-ministri men departament direktorı qamauğa alındı. Bwl bizdiñ wjım men ministrlik üşin auır soqqı boldı. Däl qazirgi jağdayda barlıq swraqtarğa qwzırlı organdar men qorğauşılar (advokattar) jauap berui kerek. Qazir ministrlikte eşqanday material joq barlığın tekseruşi organdar alıp ketken. Sondıqtan biz eşqanday mälimet bere almaymız» - degen.

Esteriñizge salayıq, bwğan deyin Qanat Bozımbaevtıñ orınbasarı Ğani Sädibekovtıñ Şuçinsk-Burabay demalıs aymağındağı köldi tazartu jwmıstarına bölingen qarjını «Aymaq» JŞS merdiger wyımnıñ basşısımen birge jımqırğandığı anıqtalğan bolatın. Keyinnen Astana qalasınıñ №2 audandıq sotı Ğani Sädibekov pen Serikbay Jwmalinovtı eki ayğa qamauğa aluğa şeşim şığarğan.

“The Qazaq Times”