Foto: Egemen Qazaqstan

Birikken Wlttar Wyımınıñ ştab-päterinde Qazaqstannıñ yadrolıq qaruğa tıyım salu turalı şartqa qol qoyu räsimi ötti. Şartqa BWW janındağı QR Twraqtı ökili Qayrat Omarov qol qoydı, dep habarladı QR Sırtqı ister ministrliginiñ baspasöz qızmeti. 

Vedomstvo mälimetinşe, yadrolıq qarusızdanu tarihındağı alğaşqı zañdıq küşi bar qwjatqa aynalğan şarttıñ mätinin äzirleuge jäne onıñ qabıldanuına Qazaqstan belsendi türde qatısıp keldi.

"Qwjattıñ negizgi erejeleri älemdegi törtinşi eñ iri yadrolıq arsenal iesinen yadrolıq qarusızdanu men taratpau salasındağı köşbasşı memleketke aynaludıñ önegeli jolın körsetken Qazaqstannıñ qağidattı wstanımına jauap beredi", - delingen baspasöz habarlamasında.

Jalpı  yadrolıq qarudaan bas tartqan Qazaqstan büginde dünie elderine  yadrolıq qarusız älem qwrudı wsınıp keledi. Degenmen, soñğı kezderi älem elderi arasında qaqtığıstar jiilep, yadrolıq soğıs qaupi küşeye tüsti. Soltüstik Koreya ötken jılı yadrolıq bağdarlamalardı damıtuda tıñ nätijelerge qol jetkizdi. AQŞ prezidenti Tramp eldiñ yadrolıq arsenalın tolıqtay jañartuğa bwyrıq berdi.

“The Qazaq Times”