فوتو: ەگەمەن قازاقستان

بىرىككەن ۇلتتار ۇيىمىنىڭ شتاب-پاتەرىندە قازاقستاننىڭ يادرولىق قارۋعا تىيىم سالۋ تۋرالى شارتقا قول قويۋ ءراسىمى ءوتتى. شارتقا بۇۇ جانىنداعى قر تۇراقتى وكىلى قايرات وماروۆ قول قويدى، دەپ حابارلادى قر سىرتقى ىستەر مينيسترلىگىنىڭ ءباسپاسوز قىزمەتى. 

ۆەدومستۆو مالىمەتىنشە، يادرولىق قارۋسىزدانۋ تاريحىنداعى العاشقى زاڭدىق كۇشى بار قۇجاتقا اينالعان شارتتىڭ ءماتىنىن ازىرلەۋگە جانە ونىڭ قابىلدانۋىنا قازاقستان بەلسەندى تۇردە قاتىسىپ كەلدى.

"قۇجاتتىڭ نەگىزگى ەرەجەلەرى الەمدەگى ءتورتىنشى ەڭ ءىرى يادرولىق ارسەنال يەسىنەن يادرولىق قارۋسىزدانۋ مەن تاراتپاۋ سالاسىنداعى كوشباسشى مەملەكەتكە اينالۋدىڭ ونەگەلى جولىن كورسەتكەن قازاقستاننىڭ قاعيداتتى ۇستانىمىنا جاۋاپ بەرەدى", - دەلىنگەن ءباسپاسوز حابارلاماسىندا.

جالپى  يادرولىق قارۋداان باس تارتقان قازاقستان بۇگىندە دۇنيە ەلدەرىنە  يادرولىق قارۋسىز الەم قۇرۋدى ۇسىنىپ كەلەدى. دەگەنمەن، سوڭعى كەزدەرى الەم ەلدەرى اراسىندا قاقتىعىستار جيىلەپ، يادرولىق سوعىس قاۋپى كۇشەيە ءتۇستى. سولتۇستىك كورەيا وتكەن جىلى يادرولىق باعدارلامالاردى دامىتۋدا تىڭ ناتيجەلەرگە قول جەتكىزدى. اقش پرەزيدەنتى ترامپ ەلدىڭ يادرولىق ارسەنالىن تولىقتاي جاڭارتۋعا بۇيرىق بەردى.

“The Qazaq Times”