Resey prezidenti Vladimir Putin Ukrainadağı soğıs jağdayında yadrolıq qaru qoldanu mümkindigin turalı ekinşi ret söz etti. Ol Batıs elderi Ukrainağa kiligetin bolsa Reseydiñ jauabı «jañğırıqtay tez» boların eskertti.

«Bizde eşkim maqtana almay twrğan qarular bar, biz onımen maqtanbaymız, kerek bolsa biz onı qoldanamız», – dedi Putin Mem. duma ökilderimen kezdesude. Ol bwl kezdesude Ukrainadağı «arnayı operaciyalarınıñ» (Resey öziniñ Ukrainadağı äskeri şabuılın osılay atap keledi) dwrıs äri oydağıday jalğasıp jatqanın qaytaladı.

Ärine, Putin sözinde tikeley «yadrolıq qaru» degen sözdi qoldanbadı. Alayda, onıñ meñzegeni Reseydiñ quattı yadrolıq arsenalı ekeni añğarıladı. Osıdan eki jıl bwrın jañartılğan Reseydiñ yadrolıq qaru qoldanu boyınşa qwjatta yadrolıq qarudı qoldanudıñ şartı körsetilgen. Onda Reseyge tura bağıttalğan ballistikalıq zımıran atılğanı turalı anıqtalğan mälimet alğan jağdayda yadrolıq qarudı qoldanılatını körsetilgen. Bılayşa aytqanda Mäskeu özine qarsı soqqınıñ jauabı retinde yadrolıq qaru qoldanuğa dayın. Bwl jolı Putinniñ sözi «qarama-qarsı jauap» dep otırğanı osığan sayatınday.

Putin wzaq sözderiniñ arasında «Batıs elderi Resey sekildi alıp eldiñ boluın qalamaydı» dep bildirdi jäne Resey Batıstıñ sankciyalarına sınbağanın maqtana aytıp ötti. Bwğan qosa ol qazirgi jağdayda Resey üşin patriotizmnıñ mañızı turalı da birmwnşa söz arnadı.

Putin özi aytqan «jwrt maqtana almay twrğan» biraq özderi qoldanuğa dayın qarudı Reseyge töngen strategiyalıq qauipke qarsı da qoldanatının meñzedi. Degenmen, Mäskeu biliginiñ özine qarsı strategiyalıq qauiptiñ şeñberin qay aradan sızğanın anıq aytu qiın. Qalay bolmasın Kreml' basşısı sırtqı älemge yadrolıq soğıs qaupin eskertui jiilep baradı.

The Qazaq Times