Wlttıq panteon maketi. Foto: info-tses.kz

2018 jılı Wlttıq panteondı saluğa Astana byudjetinen 450 mln teñge bölu qarastırılğan. Bwl turalı 2018-2020 jılğa arnalğan Astana byudjeti turalı qwjatqa silteme jasap, Sputnik aqparat agenttigi habarladı. 

QR normativtik qwqıqtıq aktileriniñ aqparattıq-qwqıqtıq jüyesinde jariyalanğan qwjatqa qarağanda, osı jılı qwrılısqa 447 mln 423 mıñ teñge jwmsalmaq.

Bwdan bwrın habarlanğanday, Wlttıq panteonnıñ joba qwnı 1,7 mlrd teñgege bağalanğan.

Panteon aumağında "Estelikter qabırğası" monumenti, memorialdar, muzeyler (HH-HHİ ğasırdağı), sonday-aq, äkimşilik, şaruaşılıq jäne qosalqı ğimarattarornalasadı.

Wlttıq pateonğa Qazaqstan prezidentteri jäne onıñ otbası müşeleri, prem'er-ministrler men olardıñ orınbasarları, parlament palatalarınıñ törağaları men olardıñ orınbasarları, memlekettik hatşılar, prezident äkimşiliginiñ basşıları, Konstituciyalıq keñestiñ törağaları, Joğarğı Sot, Wlttıq bank törağaları jerlenedi. Sonday-aq, panteon aumağında ministrler, oblıstardıñ, respublikalıq mañızı bar qalalardıñ äkimderi, prezidentke tikeley bağınatın jäne esep beretin memlekettik organdardıñ basşıları jerlenedi.

Bwdan bölek, jerlenetinder tizimin "Halıq qaharmanı", "Qazaqstannıñ Eñbek Eri" atağın alğandar, "Altın Qıran", "Otan", "Qazaqstan Respublikasınıñ Twñğış Prezidenti – Elbası Nwrswltan Nazarbaev", "Eñbek Dañqı" ordenimen marapattalğandar, "Keñes odağınıñ batırı",  "Socialistik Eñbek Eri""Qazaqstannıñ ğarışker-wşqışı" atanğandar jäne prezident şeşimimen erekşe marapatqa ie bolğan twlğalar tolıqtıradı.

“The Qazaq Times”