Foto: Nur.kz

Ükimet Wlttıq panteon turalı erejeni bekitti. Erejege säykes, mwnda memlekettiñ, ğılımnıñ, mädeniettiñ asa körnekti qayratkerleriniñ, sonday-aq Qazaqstannıñ damuına üles qosqan twlğalardıñ esimin mäñgi este qaldıru maqsatında negizi qalanğan, memorialdıq mañızı bar säulet ob'ektisi bolıp tabılatın qaytıs (qaza) bolğan twlğalardı jerlenedi.

Panteon astananıñ jergilikti atqaruşı organınıñ qaramağında, Astana qalasınıñ aumağında ornalasqan.

Sonımen ereje boyınşa Panteon aumağında mınaday twlğalar jerlenedi:

  •  Qazaqstan Respublikasınıñ prezidentteri jäne olardıñ otbasılarınıñ müşeleri;
  • Qazaqstan Respublikasınıñ prem'er-ministrleri jäne olardıñ orınbasarları, Qazaqstan Respublikası Parlamenti palatalarınıñ törağaları jäne olardıñ orınbasarları, Qazaqstan Respublikasınıñ memlekettik hatşıları, Qazaqstan Respublikası Prezidenti Äkimşiliginiñ basşıları, Qazaqstan Respublikası Konstituciyalıq Keñesiniñ, Qazaqstan Respublikası Joğarğı Sotınıñ jäne Qazaqstan Respublikası Wlttıq Bankiniñ törağaları;
  • ministrler, Qazaqstan Respublikasınıñ Prezidentine tikeley bağınatın jäne esep beretin memlekettik organdardıñ basşıları, oblıstardıñ, respublikalıq mañızı bar qalanıñ, astananıñ äkimderi;
  • «Halıq qaharmanı», «Qazaqstannıñ Eñbek Eri» ataqtarına ie bolğan twlğalar;
  • «Altın qıran», «Otan», «Qazaqstan Respublikasınıñ Twñğış Prezidenti - Elbası Nwrswltan Nazarbaev», üş därejeli «Eñbek Dañqı» ordenderimen marapattalğan azamattar;
  • «Keñes Odağınıñ Batırı», «Socialistik Eñbek Eri» ataqtarına ie bolğan azamattar;
  • «Qazaqstannıñ ğarışker-wşqışı» qwrmetti atağına ie bolğan azamattar;
  • Qazaqstan Respublikası Prezidentiniñ erekşe şeşimi boyınşa basqa da azamattar;
  • Panteonda jerleuge jatatın twlğalarmen olardıñ keyin qaytıs bolğan jwbayları jerlenui mümkin.

Panteonda qwlpıtas qwrılıstarın ornatu jäne bezendiru birıñğay nısanda orındaladı. Öz erkimen jerleu, janwyalıq (rulıq) zirat qwru jäne qayta jerleu Panteonda jürgizilmeydi.

Osı qaulı alğaşqı resmi jariyalanğan küninen keyin küntizbelik on kün ötken soñ qoldanısqa engiziledi.

Ayta keteyik, 2016 jıldıñ mamır ayında bwrınğı Wlttıq ekonomika ministri Quandıq Bişimbaev «Panteonğa aqşa joq. Biıl da, kelesi jılı da bwl maqsatqa qarajat qarastırılmağan», degen edi.

Al osı jıldıñ aqpan ayında Qarjı ministri Baqıt Swltanov Wlttıq panteonnıñ qwrılısı basımdıq berilgen respublikalıq investiciyalardıñ tizimine engizilgenin mälimdegen.

“The Qazaq Times”