Qırğızstan Joğarı Keñesiniñ deputatı Dämirbek Asılbekwlı. Foto: AKIrress.

Almatıda wstalğan Qırğızstan Joğarı Keñesiniñ deputatı Dämirbek Asılbekwlı Qazaqstan azamatı boluı mümkin.

AKI press aqparat agenttiginiñ mälimetinşe, Qazaqstan Sırtqı ister ministrligi Qırğızstanğa aqpan ayınıñ 15-i küni wstalğan Joğarı Keñes deputatı Dämirbek Asılbekwlınıñ Qazaqstan azamatı ekendigi jöninde nota jibergen. Biraq Qırğızstan Sırtqı ister ministrligi äzirge bwl aqparattı rastamağan jäne BAQ ökilderiniñ jibergen saualdarına eşqanday jauap qatpağan.

Esteriñizge salayıq, aqpan ayınıñ 15-i men 16-sı künderi Almatı, Jambıl jäne Oñtüstik Qazaqstan oblıstarında jürgizilgen arnayı operaciya barısında Qırğızstan Joğarı Keñesiniñ deputatı Dämirbek Asılbekwlı wstalğan. Keyinnen sot şeşimi boyınşa onıñ üstinen QR Qılmıstıq Kodeksiniñ 234 babınıñ 3 tarmağı jäne 264 babınıñ 2 tarmağı boyınşa qılmıstıq is qozğalıp, eki ayğa qamauğa alınğan bolatın.

“The Qazaq Times”