Foto: salt.zone

2017 jılı Qazaqstannan 37,7 mıñ adam ketken. Bwl 2015 jılı ketken 30,1 mıñ adammen salıstırğanda 25,3 payızğa joğarı bolıp otır. Ketkenderdiñ 33,7 mıñı TMD elderin tañdasa, qalğan 4 mıñı basqa elderge ketudi jön körgen. Mwnday aqparattı finprom.kz saraptama agenttigi keltirip otır. 

Mwndağı tañ qalatın närse, ketkenderdiñ teñ jartısı bilikti mamandar. YAğni 54 payızı nemese 20,4 adam ketken. Bwl 2015 jılmen salıstırğanda 17 payızğa joğarı. Ol kezde elden 17,4 mıñ käsibi maman ketken.

Al Qazaqstanğa kelgender sanına kelsek, 16,1 mıñ adamdı qwradı. TMD-dan kelgender sanı - 11,6 mıñ, al basqa qaladan kelgenderi - 4,5 mıñ. Osılayşa Qazaqstanğa kelgender sanı 2015 jılmen salıstırğanda 3,5 payızğa az bolıp otır.

Al Qazaqstanğa kelgen bilikti mamandar sanı bar bolğanı - 5,8 mıñ adam jäne mwnıñ özi 2015 jılğı körsetkişke qarağanda 15 payızğa tömen bolıp otır. Olardıñ ülesi Qazaqstanğa kelgenderdiñ jalpı sanınıñ 36 payızın qwraydı.

Bwdan bölek şetelge ketkenderdiñ 6,6 mıñı tehnika mamandığın, 3,6 mıñı ekonomika, 2,3 mıñı pedagogika mamandığın oqığandar bolıp otır. Al kelgender arasında 1,3 mıñ adam tehnika mamanı bolsa, 841-i ekonomist, 718-i pedagog.

Jalpı Qazaqstanda bilikti mamandardıñ şetelge ketui üyrenşikti närsege aynalğan.  Elde sol mamandardıñ talabına say jağdaydıñ jasalmauı olardıñ elden ketuine birden bir sebep boluı mümkin.

“The Qazaq Times”