Qıtay vizası. Foto: Sapore di Cina.

Qıtay şeteldik iri tabıskerlerge jäne ğalımdarğa wzaq merzimdi viza beretinin jariyaladı. Wzaq merzimdi viza ğalımdarğa, käsipkerlerge jäne tehnologiya öndiruşi käsiporın jetekşilerine qaratılğan. Bwl turalı sol «People» basılımınıñ resmi saytı habarladı.

Atalğan basılımnıñ habarına qarağanda, resmi Beyjiñ biligi türli saladağı iri käsipkerlerdi, tehnologiya öndiruşilerdi jäne joğarı därejeli mamandar men ğalımdardı  elge tartu maqsatında, sonday-aq, el ekonomikasınıñ damuına üles qosuğa mümkindik beru üşin 5 jıldıq jäne 10 jıldıq vizalar beretini aytılğan.

Atalğan twlğalar bwnday vizalardı onlayn äri tegin ötiniş beru arqılı ala aladı. Wzaq merzimdi vizanı alğan adam bir rette Qıtayda 180 kün twra aladı jäne otbası müşelerin de äkele aladı.

Qıtay şeteldik tabısker twlğalardı elge tartu sayasatın osıdan eki jıl bwrın jolğa qoyğan. Qıtaydıñ bwl bağdarlamasına Nobel' sıylığınıñ iegerlerin, ğalımdardı, nätijege jetken sportşılardı, bilikti universitet oqıtuşıları jäne qarjı mamandarı da kiredi.

Qıtaydıñ bwl bağdarlamanı jolğa qoyudağı sebep – älemniñ ekinşi iri ekonomikasın wstap twru jäne damıtuğa Qıtaydıñ  özindik täjribesi jetkiliksiz, oğan qosa ekonomikası damığan Qıtaydıñ qoğamdıq salalarında kenje qalğan twstarı az emes. Bwl twrğıda Qwrama Ştat pen Wlıbritaniyanıñ täjribesi Qıtayğa auaday qajet.

“The Qazaq Times”