شەتەلگە كەتكەندەردىڭ تەڭ جارتىسى بىلىكتى ماماندار

2017 جىلى قازاقستاننان 37,7 مىڭ ادام كەتكەن. بۇل 2015 جىلى كەتكەن 30,1 مىڭ اداممەن سالىستىرعاندا 25,3 پايىزعا جوعارى بولىپ وتىر. كەتكەندەردىڭ 33,7 مىڭى تمد ەلدەرىن تاڭداسا، قالعان 4 مىڭى باسقا ەلدەرگە كەتۋدى ءجون كورگەن. مۇنداي اقپاراتتى finprom.kz ساراپتاما اگەنتتىگى كەلتىرىپ وتىر. 

مۇنداعى تاڭ قالاتىن نارسە، كەتكەندەردىڭ تەڭ جارتىسى بىلىكتى ماماندار. ياعني 54 پايىزى نەمەسە 20,4 ادام كەتكەن. بۇل 2015 جىلمەن سالىستىرعاندا 17 پايىزعا جوعارى. ول كەزدە ەلدەن 17,4 مىڭ كاسىبي مامان كەتكەن.

ال قازاقستانعا كەلگەندەر سانىنا كەلسەك، 16,1 مىڭ ادامدى قۇرادى. تمد-دان كەلگەندەر سانى - 11,6 مىڭ، ال باسقا قالادان كەلگەندەرى - 4,5 مىڭ. وسىلايشا قازاقستانعا كەلگەندەر سانى 2015 جىلمەن سالىستىرعاندا 3,5 پايىزعا از بولىپ وتىر.

ال قازاقستانعا كەلگەن بىلىكتى ماماندار سانى بار بولعانى - 5,8 مىڭ ادام جانە مۇنىڭ ءوزى 2015 جىلعى كورسەتكىشكە قاراعاندا 15 پايىزعا تومەن بولىپ وتىر. ولاردىڭ ۇلەسى قازاقستانعا كەلگەندەردىڭ جالپى سانىنىڭ 36 پايىزىن قۇرايدى.

بۇدان بولەك شەتەلگە كەتكەندەردىڭ 6,6 مىڭى تەحنيكا ماماندىعىن، 3,6 مىڭى ەكونوميكا، 2,3 مىڭى پەداگوگيكا ماماندىعىن وقىعاندار بولىپ وتىر. ال كەلگەندەر اراسىندا 1,3 مىڭ ادام تەحنيكا مامانى بولسا، 841-ءى ەكونوميست، 718-ءى پەداگوگ.

جالپى قازاقستاندا بىلىكتى مامانداردىڭ شەتەلگە كەتۋى ۇيرەنشىكتى نارسەگە اينالعان.  ەلدە سول مامانداردىڭ تالابىنا ساي جاعدايدىڭ جاسالماۋى ولاردىڭ ەلدەن كەتۋىنە بىردەن ءبىر سەبەپ بولۋى مۇمكىن.

“The Qazaq Times”