Foto: genocid.net

2017 jılğı qañtar-mamırda Qazaqstanğa twrğılıqtı twruğa kelgenderdiñ tirkelu sanı 2016 jılğı qañtar-mamırmen salıstırğanda 36,3%-ğa köbeyip, 7 204 adamdı qwradı.

Al elden ketken köşip-qonuşılardıñ sanı 4,0% köbeyip, 10 975 adamdı qwrağan. Bwl turalı QR Wlttıq ekonomika ministrliginiñ baspasöz qızmeti habarladı.

Qazaqstandağı negizgi köşi-qon almasuı TMD memleketterimen bolıp otır. Ministrliktiñ mälimetinşe,  TMD elderinen kelgenderdiñ ülesi 68,9% bolsa, TMD elderine ketkenderdiñ ülesi 87,7% qwradı.

Mısalı 2016 jıldıñ qañtar-mamır ayında TMD-dan kelgender sanı 3932 adam bolsa, biıl 4962 adam kelgen. Al ketkender sanı eki esege köp. Ötken jıldıñ 5 ayında 9323 adam ketse, biıl 9620 adam elden ketken.

Öñiraralıq köşip-qonuşılardıñ ülesine keler bolsaq, olardıñ sanı 34%-dı kwradı. Mısalı Astana qalasına 20 647 adam, Almatığa 9 698, Aqmola oblısına 1 459, Almatı oblısına 181 adam köşip barğan.

“The Qazaq Times”