foto: cnbc.com

"Ornıñnan twr! Mına orındıq seni öltirip tınadı!" («Get Up!: Why Your Chair is Killing You and What You Can Do About It» ) kitabınıñ mälimetinşe, wzaq otıru adam densaulığına öte ziyan. 

1. Omırtqağa salmaq tüsedi

Kaliforniyalıq universitet professorı Galen Kranctıñ (Galen Krantz) aytuınşa, otıru - adam denesiniñ tabiğatımen qarastırılmağan, müldem tabiği emes dünie. Adam omırtqası formasında bolu kerek, alayda adam otırğanda bükireyedi, bwlşıq et älsireydi, barlıq salmaq jambas süyegi men omırtqağa tüsedi de, omırtqaarılıq diskterge qısım boladı. Moyındağı omırtqalar onday qısımnan qısıladı da, miğa qan dwrıs tasımaldanbaydı. Nätijesinde bas auıradı, közdiñ köru qabileti naşarlaydı.

foto: adme.ru

2. Jürek-qan tamır jüyesi

Fizikalıq belsendiliktiñ joqtığı erte aterosklerozdıñ payda boluına alıp keledi.

13 jıl boyı jürgizilgen, 17 mıñnan astam adamdı qamtığan ülken zertteu köbine otıratın jwmıs isteytin adamdardıñ jüregi wstap qaytıs bolu ıqtimaldığı 54%-ğa joğarıraq.

adme.ru

3. Semizdik

Adam otırğan sätte ağzanıñ maydı ıdıratu qabileti 90%-ğa azayadı, insulin deñgeyi tömendep, qan qısımı, kerisinşe, köteriledi. Al jwmıstı twrıp isteytinder kaloriyanı 35%-ğa köbirek jwmsaytın körinedi.

foto: vladtime.ru

4. Bwlşıq et pen süyek

Az qozğalu men bükireyip otıru kesirinen bwlşıq et älsiz, äri bos bolıp qaladı. Sonımen qatar adam otırğan kezde süyek deneni wstap twruğa eşqanday küş salmaydı, sol sebepti uaqıt öte kele süyek qwrılımı özgerip, süyektiñ özi älsiz, tez sınğış bolıp qaladı.

foto: yogatherapia.ru

5. As qorıtu jüyesi

2011 jılı wzaq otıru jasuşalardıñ insulindi twtınu deñgeyin tömendetetini anıqtaldı. Al ol diabet jäne basqa da aurularğa alıp kelui mümkin.

foto: womanjour.ru

6. Erte qartayu

"The Lancet" jurnalı mälimetinşe, gipodinamiyadan jılına şamamen 5,3 mln adam qaytıs boladı.

Hromosomalarda ornalasatın telomerler (adamnıñ jası wlğayğan sayın sırtqı ziyan faktorlardan qorğauğa mindetti) adam az qozğalatın bolsa qısqara beredi. Nätijesinde adamnıñ qartayu procesi tezirek jüredi.

Ärbir otırıp ötkizgen 1 sağat ömiriñizdiñ 2 sağatına teñ körinedi.

foto: vrtest.kiev.ua

7. Wyqısızdıq

Otırıp jwmıs istegendi ağza demalıs dep esepteui mümkin. Sol sebepti keşke qaray wyıqtar uaqıt jaqındağanda ağzañız sizdi "küni boyı onsız da demaldı ğoy" dep oylap, wyqığa könbeui mümkin.

foto: privet.club

“The Qazaq Times”