foto: euronews.com

Kömirge täueldi Pol'şa EO-nıñ auanı lastamauğa qatıstı talaptarın bwzğanın resmi türde habarladı, - dep mälimdeydi Euronews aqparat agenttigi.

EO Joğarğı Sotı Pol'şanıñ aua sapasına qatıstı ctandarttardı saqtamağanın habarladı. Joğarğı Sot mälimetinşe, Pol'şa auanı lastauğa qatıstı zañdı bwzıp, auadağı rwsat etilgen qattı zattardıñ jıldıq kölemin asırıp jibergen (demalu kezinde keybir organdarğa ziyanın tigizui mümkin).

Jergilikti halıqtıñ aytuınşa, onıñ bastı sebebi twrğındardıñ kömirdi köp jağuı.

2016 jılğı esepte körsetilgendey, Belhatuvtağı (Belchatow) kömir nısanı auanı lastau deñgeyi boyınşa EO aymağında birinşi orın aladı.

Ötken jılı Europa komissiyası las aua saldarınan qaytıs bolğan adam sanın azaytu şeñberinde Pol'şağa qatıstı is qozğağan bolatın. Al Pol'şada lastanğan auadan şamamen jılına 400 mıñ adam qaytıs boladı.

Ükimettik emes ekologiyalıq wyım "Client Earth" ökili Agneşko Varso-B'yukenen (Agnieszka Warso-Buchanan ): "Pol'şa halqı üşin bwl jaqsı jañalıq emes. Biz sotta jeñiske jetu kerektigimiz azday, sol las auamen äri qaray tınıstap jüruimiz kerek. Pol'şa bilik ökilderiniñ bwl qauipke qatıstı äreketi tım bayau. Aldağı uaqıtta da ükimet osılay bayau qimıldaytın bolsa, EO-nıñ öte ülken ayıppwlın töleuge mäjbür boladı. El biligine halqınıñ densaulığınan kömir artıq pa eken? - uaqıt körsetedi", - dedi.

Voykoviç (Wojkowice) qalasınıñ äkimi Tomas Şcerba (Tomasz Szczerba): "Kömir industriyası Pol'şa tarihınıñ bir böligi. Mısalı, meniñ äkem de, atam da kömir zauıttarında jwmıs istegen. Iä, Pol'şadağı kömir men balamalı energiya közderine qatıstı mäsele uşığıp twr. Biraq onı bir sätte şeşu de mümkin emes", - dedi.

Ötken ayda EO komissiyası Germaniya, Wlıbritaniyanı qosqanda 9 elge eskertu jasadı. Bwl elder auanıñ lastanuına qatıstı uaqıtılı şaralar qoldanbasa EO olardıñ üstinen sotqa arızdanuğa mäjbür boladı.

Bryussel' qazirdiñ özinde auanı lastauğa qatıstı 30-ğa juıq is qozğağan, biraq olardıñ köpşiligi keyinge qaldırılıp keledi.

“The Qazaq Times”