فوتو: cnbc.com

"ورنىڭنان تۇر! مىنا ورىندىق سەنى ءولتىرىپ تىنادى!" («Get Up!: Why Your Chair is Killing You and What You Can Do About It» ) كىتابىنىڭ مالىمەتىنشە، ۇزاق وتىرۋ ادام دەنساۋلىعىنا وتە زيان. 

1. ومىرتقاعا سالماق تۇسەدى

كاليفورنيالىق ۋنيۆەرسيتەت پروفەسسورى گالەن كرانتستىڭ (Galen Krantz) ايتۋىنشا، وتىرۋ - ادام دەنەسىنىڭ تابيعاتىمەن قاراستىرىلماعان، مۇلدەم تابيعي ەمەس دۇنيە. ادام ومىرتقاسى فورماسىندا بولۋ كەرەك، الايدا ادام وتىرعاندا بۇكىرەيەدى، بۇلشىق ەت السىرەيدى، بارلىق سالماق جامباس سۇيەگى مەن ومىرتقاعا تۇسەدى دە، ومىرتقاارىلىق ديسكتەرگە قىسىم بولادى. مويىنداعى ومىرتقالار ونداي قىسىمنان قىسىلادى دا، ميعا قان دۇرىس تاسىمالدانبايدى. ناتيجەسىندە باس اۋىرادى، كوزدىڭ كورۋ قابىلەتى ناشارلايدى.

فوتو: adme.ru

2. جۇرەك-قان تامىر جۇيەسى

فيزيكالىق بەلسەندىلىكتىڭ جوقتىعى ەرتە اتەروسكلەروزدىڭ پايدا بولۋىنا الىپ كەلەدى.

13 جىل بويى جۇرگىزىلگەن، 17 مىڭنان استام ادامدى قامتىعان ۇلكەن زەرتتەۋ كوبىنە وتىراتىن جۇمىس ىستەيتىن ادامداردىڭ جۇرەگى ۇستاپ قايتىس بولۋ ىقتيمالدىعى 54%-عا جوعارىراق.

adme.ru

3. سەمىزدىك

ادام وتىرعان ساتتە اعزانىڭ مايدى ىدىراتۋ قابىلەتى 90%-عا ازايادى، ينسۋلين دەڭگەيى تومەندەپ، قان قىسىمى، كەرىسىنشە، كوتەرىلەدى. ال جۇمىستى تۇرىپ ىستەيتىندەر كالوريانى 35%-عا كوبىرەك جۇمسايتىن كورىنەدى.

فوتو: vladtime.ru

4. بۇلشىق ەت پەن سۇيەك

از قوزعالۋ مەن بۇكىرەيىپ وتىرۋ كەسىرىنەن بۇلشىق ەت ءالسىز، ءارى بوس بولىپ قالادى. سونىمەن قاتار ادام وتىرعان كەزدە سۇيەك دەنەنى ۇستاپ تۇرۋعا ەشقانداي كۇش سالمايدى، سول سەبەپتى ۋاقىت وتە كەلە سۇيەك قۇرىلىمى وزگەرىپ، سۇيەكتىڭ ءوزى ءالسىز، تەز سىنعىش بولىپ قالادى.

فوتو: yogatherapia.ru

5. اس قورىتۋ جۇيەسى

2011 جىلى ۇزاق وتىرۋ جاسۋشالاردىڭ ءينسۋليندى تۇتىنۋ دەڭگەيىن تومەندەتەتىنى انىقتالدى. ال ول ديابەت جانە باسقا دا اۋرۋلارعا الىپ كەلۋى مۇمكىن.

فوتو: womanjour.ru

6. ەرتە قارتايۋ

"The Lancet" جۋرنالى مالىمەتىنشە، گيپوديناميادان جىلىنا شامامەن 5,3 ملن ادام قايتىس بولادى.

حروموسومالاردا ورنالاساتىن تەلومەرلەر (ادامنىڭ جاسى ۇلعايعان سايىن سىرتقى زيان فاكتورلاردان قورعاۋعا مىندەتتى) ادام از قوزعالاتىن بولسا قىسقارا بەرەدى. ناتيجەسىندە ادامنىڭ قارتايۋ پروتسەسى تەزىرەك جۇرەدى.

ءاربىر وتىرىپ وتكىزگەن 1 ساعات ءومىرىڭىزدىڭ 2 ساعاتىنا تەڭ كورىنەدى.

فوتو: vrtest.kiev.ua

7. ۇيقىسىزدىق

وتىرىپ جۇمىس ىستەگەندى اعزا دەمالىس دەپ ەسەپتەۋى مۇمكىن. سول سەبەپتى كەشكە قاراي ۇيىقتار ۋاقىت جاقىنداعاندا اعزاڭىز ءسىزدى "كۇنى بويى ونسىز دا دەمالدى عوي" دەپ ويلاپ، ۇيقىعا كونبەۋى مۇمكىن.

فوتو: privet.club

“The Qazaq Times”