Foto: loda.gov.ua

2018 jılı "Biznestiñ jol kartası-2020" bağdarlaması ayasında biznesti damıtu jäne qoldauğa 38,8 mlrd teñge bölinedi. Bwl turalı QR Wlttıq ekonomika ministri Timur Süleymenov mälimdedi. 

"2018 jılı "Biznestiñ jol kartası-2020" bağdarlaması ayasında 38,8 mlrd teñge bölu qarastırılğan. Subsidiya, kreditke kepildik beru jäne memlekettik granttardı beruge 30 mlrd teñge bölinedi. Bwdan basqa jaña jobalarda biznes swranısın qanağattandıru üşin ministrlik 10 öñir boyınşa 12,2 mlrd teñgege byudjettik ötinim dayındadı", - dedi Süleymenov bügin ükimet otırısında.

Ministrliktiñ esebinşe, Aqmola oblısınıñ biznesmenderi osı jılı 1,8 mlrd teñge, Aqtöbe oblısı - 1,3 mlrd teñge, Atırau - 589 mln teñge, Jambıl oblısı - 1,2 mlrd teñge, Batıs Qazaqstan oblısı - 1,3 mlrd teñge, Qarağandı - 1 mlrd teñge, Mañğıstau oblısı - 854 mln teñge, Pavlodar oblısı - 1 mlrd teñge, Soltüstik Qazaqstan - 1,4 mlrd teñge, Oñtüstik Qazaqstan oblısı - 1,5 mlrd teñge aladı.

Sonday-aq, Süleymenov  bwqaralıq käsipkerliktiñ bağdarlamasın jüzege asıru kezinde käsipkerler tap bolğan problemalardı atap ötti.

"Bağdarlamanıñ bwdan bwrınğı şarttarına säykes, byudjettik nesie esebinen jıljımaytın mülik jäne kommerciyalıq emes maqsatta jerdi satıp aluğa tıyım salınğan. (...)Endi olar jıljımaytın mülikti jäne jerdi kommerciyalıq emes maqsatta satıp alu qwqığına bir jılda mindeti türde özgertu şartımen ie bola aladı. Eger şart orındalmağan jağdayda qarjı mikroqarjı wyımdarı men bankter tarapınan öteledi. Qabıldanğan özgerister bağdarlamağa özin-özi jwmıspen qamtığan jäne jwmıssız halıqtı tartuğa mümkindik beredi dep oylaymız", - dedi ministr.

“The Qazaq Times”