TJ rejimi toqtar twstağı Almatı qalası, Medeu audanındağı dükenderdiñ biri. 2020 jıl, 11 mamır. Foto: QT / Kültegin Aspanwlı

Bügin Almatı qalası Öñirlik kommunikaciyalar qızmetinde ötken «Şağın jäne orta biznesti qoldau şaraları» taqırıbındağı onlayn-brifingte  Käsipkerler palatasınıñ direktorı Nariman Äbilşayıqov almatılıq biznes narığındağı «erekşe qwbılıs» turalı söz etti.

«Sauda-sattıq, turizm, qoğamdıq tamaqtanu orındarı jäne qonaq üy käsipterin subsidiyalau qolğa alındı. Osı orayda käsipkerlikti qoldau maqsatında Almatı qalasında Qarapayım zattar ekonomikası bağdarlaması ayasında 22 qırküyekke deyin 94 mln teñgege 55 joba qarjılandırıldı. Bwl arı qaray jalğasatın boladı. Sonımen qosa, qala äkimdiginiñ tapsırması boyınşa öñirlik palata birigip, arnayı kommunikator iske qosıldı. Resursqa 12 mıñnan astam tauar türin öndiretin qalanıñ 512 käsipker kirgen. Atameken  qwziretindegi arnaulı sertifikattı alğandar qatarı bıltırğa qarağanda 30-35%-ğa artıp otır. Bwl oñ özgeris. Käsip bastauğa ıntalı azamattarğa 8 audanda käsipkerlerge qızmet körsetu ortalığında tegin keñes ala aladı. Mäselen, mwnda buhgalteriya jäne statistikalıq esepke, zañ salası men marketingtik, memlekettik satıp alu bağıtında kömek körsetiledi», – deydi Äbilşayıqov.

Almatı qalasındağı käsipkerler palatasınıñ basşısınıñ mälimetinşe, biıl kölemi 4,153 mlrd teñge biznes jospar äzirlengen. Onıñ işinde ekinşi deñgeyli bankterden 801 mln teñge somasına 64 joba maqwldanıptı. Bastau biznes kursı  şeñberinde mausım ayınan bastap 2287 tıñdauşı ayaqtap, olarğa ärqaysı 200AEK köleminde 1705 grant bölingen. Büginge deyin 320 tıñdauşı öz käsibin aşqan körinedi.

Atameken mobil'di jwmıspen qamtuğa arnalğan 12 ortalıqqa jügingen 65 mıñnan astam adamnıñ nebäri 2895-i jwmısqa ornalasqan. YAğni 22-den bir böligi nemese 4,4%-ı ğana jwmıs tapqan.

QT redakciyasınıñ jurnalisi qoyğan swraqqa «TJ kezinde käsipkerlerdiñ 60-70%-ı, 60-70 mıñı jwmısın toqtattı. Statistikağa süyensek, baylanıs jäne aqparat salasınan özge barlıq bağıttarda teris dinamika körinip otır. Sondıqtan recessiya deuge keledi. Salıq töleu mäselesi boyınşa byudjetke 30-35 mlrd teñge qarjı tüspegen», – dep jauap berdi palata basşısı.

8 mıñnan astam käsipker äli künge deyin jwmısın jandandıra almay otır.  Tamız ayınıñ basındağı statistikağa sensek,  qala aumağında zañdı tirkelgen 201 mıñ käsipker jwmıs isteydi.

«Biraq karantin şaralarına qaramastan, säuir ayınan bastap käsipkerler sanı tağı 6 mıñğa ösip otır. Nelikten bwlay bolğanın özimiz äli de tüsinbey otırmız. Jartı jılda 2,5%-ğa artqan käsipkerlerdiñ artu sebebin, salaların zerdelep-taldap jatırmız», – dedi ol.

"The Qazaq Times"