Foto: Forbes.kz

Käsipkerlik ahualdı jaqsartu jayında «Atameken» QR WKP Basqarma Törağası Abılay Mırzahmetov Ortalıq kommunikaciyalar qızmetinde ötken brifing barısında ayttı, dep habarlaydı WKP baspasöz qızmeti. 

«Atameken» basqarma törağasınıñ aytuınşa, käsipkerlerge de öz jwmıstarında adaldıq qağidasın saqtau mañızdı. Abılay Mırzahmetov jurnalisterdiñ saualdarına jauap bere otırıp, osığan qatıstı orındı sındı oñ qabıldaytının ayttı.

«Twtınuşını qorğauda saual dwrıs qoyılıp otır. Soñğı jıldarı köp närse jasaldı, memlekettik retteu qısqardı, endi biznestiñ jauapkerşiligin arttıru kerek. Liftide qanday jağday orın alğanın qarañızdar. Biz licenziyalaudı alıp tastadıq, büginde lift qwrılğısın jetkizuşi eşqanday baqılauğa alınbağan, şındığında qandayda bir twrğın üy keşeninde liftige qatıstı oqiğa bir ayğa jetpeytin uaqıt aralığında orın alıp jatadı. Standarttar jüyesin engizudi wsınamız. Qazir zañ jobası Mäjiliste. Biznestiñ salalıq qauımdastıqtarı, twtınuşılar men memlekettik organdardıñ qatısuımen dayındalatın standarttar normativti aktilerdiñ negizine aynaluı kerek dep esepteymiz. Eger erteñ firma liftini ornartsa, onda Päter ieleriniñ kooperativi nemese tapsırıs beruşi standartqa qanşalıqtı säykes keletinin naqtı teksere aladı», – dedi Abılay Mırzahmetov.

Sonday-aq, «Atameken» Wlttıq käsipkerler palatası şağın jäne orta biznes käsiporındarında cifrlandıru men modernizaciyalau procesin keñinen engizu üşin Industriyalıq-innovaciyalıq damıtudıñ memlekettik bağdarlaması ayasında Bäsekelik qabiletti arttıru bağdarlamasın qoldanudı wsınadı.

«Biz şağın jäne orta biznestiñ negizgi şikizattıq emes 9 salasın qamtudı wsınamız. Olardıñ barlığı memlekettik qoldau şaraların paydalanadı. Memleket bir tereze arqılı keşendi qoldau şaraların beredi, al biznes cifrlandır jäne modernizaciyalau boyınşa özara mindettemeni aladı. Biz cifrlıq öndiristi, aqıldı menedjementti qalay engizu kerek degen sekildi dünielerge deyin kömektesemiz... Osılayşa barlıq şaranı bir bağdarlamağa biriktire otırıp, biznestiñ adaldığın arttıramız», – dep esepteydi Abılay Mırzahmetov.

“The Qazaq Times”