Qazaqstan "jalaqı deñgeyi tömen boladı" dep esepteletin elder reytingine kirdi. Bwl turalı LS saytı habarladı. 

Universum agenttiginiñ "Talanttar qwnı" dep atalatın jıl sayınğı esebiniñ qorıtındısına sensek, qazaqstandıq studentter elde özderiniñ jalaqısı tömen boladı dep esepteydi eken. Mısalı biznes salasındağı ökilderiniñ boljamınşa(ekonomika, qarjı jäne t.b.), eñbekaqıları jılına 7,6 mıñ dollar köleminde boluı mümkin. Bwl şamamen jılına 2,5 mln teñgeni, ayına 208 mıñ teñgeni (1 dollar 325,2 teñgemen esepteldi) qwraydı. Al ğılım, tehnologiya, injeneriya jäne matematika salasınıñ mamandarı bolaşaqta özderiniñ jalaqısı jılına 8,4 mıñ dollardan säl joğarı boladı dep esepteydi. Teñgege şaqqanda jılına 2,7 mln teñge nemese ayına 227 mıñ teñge.

Desek te bwl - Qazaqstan kiretin Şığıs Europamen salıstırğanda eñ tömengi körsetkiş. Körşi Reseydiñ özinde bolaşaq mamandardıñ boljaldı kirisi jılına 11 mıñ dollardı qwraydı.

Al eñ joğarı jalaqı alamız deytinder - Şveycariya studentteri. Olar maman retinde özderiniñ kirisi jılına 74,4-75,3 mıñ dollar bolatınına ümitti.  Amerikalıqtar bolsa "jılına 56 mıñ dollardan 59,5 mıñ dollarğa deyingi jalaqı alamız" dep esepteydi.

Universum agenttigi jürgizgen saualnamağa damığan jäne damuşı elderdi qosa alğanda 29 memleketten 500 mıñnan asa student qatısqan.

Ayta keteyik, qazirgi kezde Qazaqstanda ortaşa ataulı aylıq jalaqı - 168 220 mıñ teñge. Al bwl joğarıdağı qazaqstandıq studentterdiñ boljamınan 20-26 payızğa tömen.

“The Qazaq Times”