Qazaqstan biligi latın älipbiin nasihattauğa blogerlerge 462 million teñge qarjı bölmek.

«Elektrondı ükimet» saytında körsetilgen mälimet boyınşa, Qazaqstan biligi biıldan bastap blogerlerge latın älipbiin nasihattau üşin 462 million teñge qarjı bölmek. Saytta körsetilgen qwjatqa seykes blogerlerge 462 million teñge jıl sayın 57,82 million teñgeden 2025 jılğa deyin bölinetin boladı.

Bwdan bölek latın älipbiin nasihattauğa arnalğan videobloktar jürgizuge 168 million teñge bölinedi. Al atalmış qarjınıñ tiimdi paydalanıluı men jwmıs barısın Arıstanbek Mwhamediwlınıñ basqaruındağı Mädeniet jäne sport ministrligi qadağalaytın boladı.

Esteriñizge salayıq, bwğan deyin däl osı Arıstanbek Mwhamediwlı ğalımdardıñ kirillicadan latınğa üş sekundta audaratın bağdarlama oylap tapqanın mälimdegen. Ol bwl bağdarlama jayında Nwrswltan Nazarbaevtıñ «Jıldar men oylar» attı kitabınıñ latın ärpinde jarıqqa şığuınan keyin aytqan bolatın.

“The Qazaq Times”