قازاقستان بيلىگى لاتىن ءالىپبيىن ناسيحاتتاۋعا بلوگەرلەرگە 462 ميلليون تەڭگە قارجى بولمەك.

«ەلەكتروندى ۇكىمەت» سايتىندا كورسەتىلگەن مالىمەت بويىنشا، قازاقستان بيلىگى بيىلدان باستاپ بلوگەرلەرگە لاتىن ءالىپبيىن ناسيحاتتاۋ ءۇشىن 462 ميلليون تەڭگە قارجى بولمەك. سايتتا كورسەتىلگەن قۇجاتقا سەيكەس بلوگەرلەرگە 462 ميلليون تەڭگە جىل سايىن 57,82 ميلليون تەڭگەدەن 2025 جىلعا دەيىن بولىنەتىن بولادى.

بۇدان بولەك لاتىن ءالىپبيىن ناسيحاتتاۋعا ارنالعان ۆيدەوبلوكتار جۇرگىزۋگە 168 ميلليون تەڭگە بولىنەدى. ال اتالمىش قارجىنىڭ ءتيىمدى پايدالانىلۋى مەن جۇمىس بارىسىن ارىستانبەك مۇحامەديۇلىنىڭ باسقارۋىنداعى مادەنيەت جانە سپورت مينيسترلىگى قاداعالايتىن بولادى.

ەستەرىڭىزگە سالايىق، بۇعان دەيىن ءدال وسى ارىستانبەك مۇحامەديۇلى عالىمداردىڭ كيريلليتسادان لاتىنعا ءۇش سەكۋندتا اۋداراتىن باعدارلاما ويلاپ تاپقانىن مالىمدەگەن. ول بۇل باعدارلاما جايىندا نۇرسۇلتان نازارباەۆتىڭ «جىلدار مەن ويلار» اتتى كىتابىنىڭ لاتىن ارپىندە جارىققا شىعۋىنان كەيىن ايتقان بولاتىن.

“The Qazaq Times”