Photo: Islam-Today.ru

Qazaqstan M'yanmadağı rohindja mwsılmandarına  500 mln dollar köleminde gumanitarlıq kömek jiberedi. Bwl turalı şeşimge QR Prem'er-ministri Baqıtjan Sağıntaev qol qoyğan, dep habarladı Sputnik.

Bwl qarajat Qazaqstandağı jäne basqa elderdegi tabiği jäne tehnogendik sipattağı tötenşe jağdayların joyuğa bağıttalğan, osı jılı respublikalıq byudjette qarastırılğan ükimettiñ şwğıl rezervinen alınadı. Qarjını Sırtqı ister ministrligi arnayı banktik şotqa audarmaq.

Bwdan bwrın Qazaqstan M'yanmadağı jağday boyınşa BWW Qauipsizdik keñesiniñ otırısına qatısqan. Onda BWW Bas hatşısınıñ sayasi mäseleler jönindegi orınbasarı Djeffri Fel'tman BWW basşısınıñ bayandamasın tanıstırğan. Bayandamada aytılğandaay, M'yanmadağı Rakhayn ştatındağı zorlıq-zombılıq deñgeyi tömendegenmen, bosqındardıñ ağını äli toqtay qoymağan.

Ayta keteyik, M'yanmadağı rohindja mwsılmandarına bağıttalğan qırğınşılıq 25 tamızdan bastalğan.  M'yanma ükimetiniñ mälimdemesine silteme jasağan basılımdarınıñ aqparatına süyensek, eldegi keybir şağın islamdıq toptar qauipsizdik küşterine şabuıl jasağan. Alayda mwnı M'yanma ülken qırğınğa wlastırıp jibergen.

“The Qazaq Times”