Özbekstannıñ eks-işki ister ministri Adham Ahmetbaev üy qamağında otır – dep habarlaydı "Ortalıq Aziya jañalıqtar qızmeti" aqparat agenttigi.

«Ortalıq Aziya jañalıqtar qızmetiniñ» Ahmetbaevqa jaqın aqparat köziniñ mälimetinşe, jeltoqsan ayınıñ 25-nen beri Adham Ahmetbaev üy qamağında otır. Onıñ barlıq ataq-därejesi, äskeri şeni tartıp alınğan.

Bwğan deyin BAQ betterinde qañtar ayınıñ 4-i küni Adham Ahmetbaev prezident keñesşisi qızmetine tağayındaldı degen aqparat tarağan bolatın. Biraq keyinnen halıq arasında onıñ şeni general-leytenanttan polkovnik därejesine deyin tömendetilip, jürip-twrğanı arnayı qızmet baqılauında ekendigi jayında qañqu söz tarağan.

Esteriñizge salayıq, Özbekstan prezidenti Şavkat Mirzieev jeltoqsan ayınıñ 22-si küni Parlamentke jasağan joldauında Adham Ahmetovtı qatañ sınğa alğan bolatın. Ol onda: «Sizder bilesizder me qazir satqındığı üşin eks işki ister ministri Ahmetovtıñ qayda jürgenin? Meniñ ar-wjdanım onıñ Özbekstan ministri bola twra satqınğa aynalıp, belgili bir topqa qosılğanın qabılday almadı. Men eki generaldıñ iığınan pagonın jwlıp alğanmın. General-leytenant-sımaqtar» - degen.

“The Qazaq Times”